இந்த வங்கியில் ஒரு கணக்கு வைத்துக் கொள்வதைப் போல ( பகவான் ஒரு வங்கியின் கிளையை புட்டபர்த்தியில் தொடங்கி வைத்துக் கொண்டிருந்தார்), நீங்கள் இறைவனின் வங்கியிலும் ஒரு கணக்கை வைத்துக் கொள்வதில் கவனம் செலுத்த வேண்டும். இந்த வங்கி போகிறவர், வருகிறவருக்கெல்லாம் கடன் தராது; நம்பகமானவர்களுக்கும், கொடுக்கிற பணத்தை நல்ல வழியில் பயன்படுத்தி, தங்களது வாக்குறுதிகளை நிறைவற்றுவார்கள் என தங்களது உழைப்பு மற்றும் நாணயத்தின் மூலம் முத்திரை பதித்தவர்களுக்கும் மட்டுமே, இந்த வங்கியின் உதவி கிடைக்கும். அந்த ( இறைவனது ) வங்கியும் கூட சத்தியம், தர்மம், சாந்தி மற்றும் ப்ரேமை உள்ளவர்களை மட்டுமே,, துன்பம் மற்றும் துயரத்திலிருந்து காப்பாற்றும். இந்த வங்கி, உங்களது பெயரில் சேமித்து வைத்துள்ளதற்கு ஏற்றவாறே உதவி புரியும்; அந்த வங்கியும் அவ்வாறே தான் செயல் படும். முந்தைய பிறவிகளின் புண்ணிய செயல்களின் பலன்களை இப்போது பெற்றுக் கொள்ளலாம்;ஆனால் அவை உங்களிடம் இல்லை என்றால், எந்தக் காசோலையும் மதிக்கப் பட மாட்டாது.மேலும், ஒவ்வொருவருக்கும் அவரது பெயரிலேயே தனிப்பட்ட கணக்கு இருக்க வேண்டும்; ஒரு சகோதரர், மற்றொரு சகோதரரின் கணக்கிலிருந்தோ அல்லது மனைவி, கணவனின் கணக்கிலிருந்தோ பணத்தை ( பலன்களை) எடுக்க முடியாது.