மறைநூல்கள் கூறும் மிக மதிப்பு வாய்ந்த உபதேசம் இதுதான்-உங்களது நியாயமான கடமைகளை ஆற்றுங்கள்,உங்களது பொறுப்புக்களை செய்து முடியுங்கள், உங்களது உரிமைகளுக்கு ஏற்ப வாழுங்கள்; ஆனால் பற்றுதல்களை வளர விடாதீர்கள்.உங்களது குடும்பம்,சொத்துக்கள்,புகழ், ஞானம் மற்றும் திறமைகளைப் பொறுத்தவரை, ஒரு அறக் கட்டளையாளர் போல இருங்கள். இறப்பின் அழைப்பு வரும்போது, இவற்றை எல்லாம் சந்தோஷமாக விட்டுச் செல்லுங்கள். இறப்பு என்பது , ஏதோ ஒரு எருமை மாட்டில் ஏறிக்கொண்டு வந்து, ஒரு சுருக்கயிற்றுடன் உங்கள் மீது ஒரு பயங்கரமான தேவன் திடீரென்று பாய்வதைப்போல சிலரால் சித்தரிக்கப் படுகிறது ( யமதர்மராஜன் என இந்திய புராணங்களில்). இல்லை, அந்தச் சுருக்கு உங்களாலேயே செய்யப் பட்டது தான். அவன் திடீரென்று பாய்வதில்லை; அவன் உங்களை அழைத்துச் செல்வதற்காக வரப்போவதை முன் கூட்டியே-–நரைமுடி,விழும் பற்கள், குறையும் பார்வை, செவிட்டுத் தனம், தோல் சுருக்கங்கள் என்ற ரூபங்களிலான அறிவிப்புக்களால் தெறிவிக்கிறான். அவன் ஏதோ மிருகத்தின் மீது ஏறிக்கொண்டு வருவதில்லை; அவன் காலம் என்பதன் மற்றும் ஒரு பெயரே. காலமே மெதுவாக உங்களை நோக்கி நகர்ந்து, உயிர் எனும் கயிற்றை அறுத்து விடுகிறது. எனவே, உங்களுக்குக் கொடுக்கப் பட்டு இருக்கும் செயலாற்றும் (கர்மா) திறனின் மூலம் காலத்தின் பிடிகளிலிருந்து உங்களை விடுவித்துக் கொள்ளுங்கள்.