ஏற்றி வைக்கப் பட்ட தீபத்தைப் போல, இறைவனது அருள் அவனை அணுகுபவர் மற்றும் அவனது அருகாமையில் இருக்க விரும்பும் ஒவ்வொருவரின் மீதும் எல்லா இடமும் சுற்றிப் பரவுகிறது;ஆனால், இடையில், உங்களுக்கு ஒளி வருவதைத் தடுக்குமாறு ஒரு தடையை நீங்கள் வைத்து விட்டு இறை அருள் பிரகாசிக்கவில்லை என்றால், உங்களையே தான் நீங்கள் குறை கூறிக் கொள்ள வேண்டும். உங்களது இதயத்தின் கதவுகளைத் திறவுங்கள்; சூரிய ஒளி ஊடுருவிப் பிரகாசித்து, உள்ளிருக்கும் தீய குணங்களை அழித்து, அதன் நாலா புறத்தையும் ஒளியில் ஆழ்த்தட்டும். குறைந்த பட்சம், இந்த முயற்சியையாவது நீங்கள் செய்தே ஆக வேண்டும். சூரியனே உங்கள் கதவுகளைத் திறந்து கொண்டு, உள்ளே வர மாட்டான். சரியான ஒரு நிகழ்ச்சியைப் பெற்று , ரசிப்பதற்கு, நீங்கள் ( ரேடியோ அல்லது டி.வியை), ஆன் செய்து, ட்யூன் செய்ய வேண்டும். அந்த முயற்சியைத் தவிர்க்க முடியாது.நம்பு, பாடுபடு, வெற்றி பெறு- இதுவே புனித நூல்களின் சாரம்.இறைவன் இந்த பிரபஞ்சத்தில் எங்கும் நிறைந்துள்ளான். எவ்வாறு ஒவ்வொரு துளி பாலிலும் வெண்ணெய் உள்ளதோ, அவ்வாறே அவன் ஒவ்வொரு ஜீவ ராசியின் உட்கருவாக இருக்கின்றான். இந்த பிரபஞ்சத்தை (பாலை), விவேகத்தால் ( மோரால்) தோயவைத்து, வைராக்யத்தால் (மத்தால்) கடைந்து,ஸ்ரத்தையால் (கையால்) திரட்டுவீர்களானால், நீங்கள் இறைவனைக்( வெண்ணையை) காண முடியும்.