இன்று மக்கள் எதைப் பெற்றிருக்க வேண்டும் ? அனைத்தையும் அரவணைத்துச் செல்லும் அன்பால் நிரம்பி வழியும் வண்ணம், இதயத்தை விசாலமாக்கிக் கொள்வதையே. அதன் பிறகு தான் அனைத்து மனித குலத்தின் ஆன்மீக ஒருமையை அனுபவிக்க முடியும். அந்த ஒற்றுமை உணர்விலிருந்து தான் இறைவன் பால் அன்பு பிறக்கும். இந்த அன்பு , எல்லையற்ற, விவரிக்க முடியாத, நிரந்தரமான தூய ஆனந்தத்தை , இதயத்தில் உருவாக்கும். அனைத்து விதமான ஆனந்தத்திற்கும் அன்பே மூலமாகும்.அன்பற்ற இதயம் ஒரு வரண்ட நிலத்தைப் போன்றதாகும். உங்கள் இதயங்களில் அன்பைப் பேணி, உங்களது வாழ்க்கையைப் புனிதமாக்கிக் கொள்ளுங்கள்.உங்களது பாண்டித்யம் அல்லது செல்வம் எதுவாக இருந்தாலும், அன்பு இல்லை என்றால் அவை மதிப்பற்றவையே. இறைவனை உணருவதற்கான எல்லா விதமான சாதனைகளும், பக்தி இல்லை எனில் பயனற்றவையே.மக்கள், மோக்ஷத்தை நாடுகிறார்கள். உண்மையான மோக்ஷம் என்பது ஆசைகளிலிருந்து விடுதலை பெறுவதே. இந்நாளில் ஒருவர் தவம் புரிவதற்காக காட்டிற்குச் செல்லவோ அல்லது தங்களை தியானம் அல்லது பிற ஆன்மீக சாதனைகளில் ஈடுபடுத்திக் கொள்ளவோ முடிவதில்லை.மிகவும் எளிதான ஆன்மீகப் பாதை, அனைத்து செயல்களையும் இறைவனுக்கு அர்ப்பணமாகச் செய்வதே ஆகும்.