ஒரு மனிதனாக ,உண்மையான சந்தோஷத்தைப் பெற இயலவில்லை என்றால், ஒரு மலையளவு புத்தக அறிவிருந்து என்ன பயன்? தெய்வத்தின் பால் ஒருவர் நம்பிக்கை வைத்தால், இறைவன் அவரைக் கவனித்துக் கொள்ள மாட்டானா என்ன? அங்கிங்கெனாதபடி எங்கும் நிறைந்திருக்கும் இறைவனை மறந்து, இடையறாது பொருளீட்டுவதிலேயே மூழ்கிக் கிடப்பதால் எதை சாதிக்கப் போகிறீர்கள்? ஒவ்வொருவரும்,‘’ I WANT PEACE (எனக்கு மனச்சாந்தி வேண்டும்)’’ என பரிதவிக்கிறார்கள். மனச்சாந்தி ( PEACE) என்பது, துண்டு துண்டுகளாக ( PIECES) இருக்கும் வெளிப்புற உலகில் காணக் கிடைக்குமா? மனச்சாந்தி ( PEACE) என்பதை, நான் என்ற ( I ) அஹங்காரத்தையும், ஆசைகளையும் ( DESIRE) விட்டு விட்டால், தனக்குள்ளேயே காண வேண்டும். மனச்சாந்தி ,அஹங்காரம் மற்றும் திருப்தியே ஆகாத ஆசைகளால் அழிக்கப் பட்டு விடுகிறது. உங்களது ஆசைகளைக் கட்டுப்படுத்துங்கள். உண்மையான மனச்சாந்தி கிடைக்க, நீங்கள் ஆசைகளைக் குறைத்துக் கொண்டு , வைராக்யத்தை ( பற்றின்மையை) வளர்த்துக் கொள்ள வேண்டும். மனிதன் முடிவே இல்லாத பல வித கவலைகளால் பிடித்து ஆட்டப் படுகிறான். மனதை, இறைவன் பால் திருப்புவதால் மட்டுமே, ஒருவர் கவலைகைள விட்டு ஒழிக்க முடியும்.இறைவன் எப்போதும் மனிதனுக்குப் பக்கத்திலேயே இருந்தாலும், மனிதன் இறைவனை உலகெங்கும் தேடிக் கொண்டு இருக்கிறான். வெளியுலகத் தேடுதலின் மூலம், நீங்கள் உங்கள் அக உலகை ஒருபோதும் தூய்மைப் படுத்த முடியாது.