உங்களது வீட்டு வரவு செலவுக் கணக்கை சரிசமமாக்கினால் மட்டும் போதாது; இன்ப,துன்பங்கள், லாப, நஷ்டங்கள் மற்றும் வெற்றி , தோல்விகளால் பாதிக்கப் படாத, வாழ்க்கையைப் பற்றிய, ஒரு சமச்சீரான நோக்கைப் பெற்றிருப்பதற்கான கலையையும், நீங்கள் கண்டிப்பாகக் கற்றுக் கொள்ள வேண்டும். இப்படிப் பட்ட சமச்சீரான நிலையை, இறைவனைச் சார்ந்திருப்பதாலும், உள்ளுறையும் இறைவன் மீது நம்பிக்கை வைப்பதாலும் மட்டுமே, பெற முடியும். நீங்கள், உங்களது ஆத்ம சாந்தியைப் பெறுவதற்கான பாதையில் குறுக்கே வரும் த்வேஷம், வன்மம், பேராசை, கோபம், கலக்கம், கர்வம் மற்றும் பிற இடையூறுகளிலிருந்து விலகி இருக்கக் கற்றுக் கொள்ள வேண்டும். கல்வியானது, உங்களது திறன்கள் மற்றும் ஞானத்தைப் பெறுவதற்கான கருவிகளின் மீது ஆதிக்கம் செலுத்தக் கூடிய ஒரு அரசனாக, உங்களை ஆக்க வேண்டும்.கண்,காது,நாக்கு போன்றவை கடிவாளம் இல்லாத காட்டுக் குதிரைகளைப் போன்றவை; புலன்களைக் கட்டுப் படுத்தவும், உங்களது ஸங்கல்பத்தை, உணர்வுகள் மற்றும் உணர்ச்சிகளின் மீது ஆளுமை பெறுவதை நோக்கி செலுத்தவும் வல்ல, தியானம் செய்யும் கலையைக் கற்றுக் கொள்ளுங்கள். உங்களது புலன்களைக் கட்டுப் படுத்துதல் என்ற ஒழுக்கத்திற்கு நீங்கள் செவி சாய்த்தே ஆக வேண்டும்; அவைகளைச் சுதந்திரமாக விட்டு விட்டால், உங்களை பேராபத்தில் இழுத்துத் தள்ளி விடும்.