பல படித்த பெண்கள், தங்கள் இல்லங்களை, சமையல்காரர்,தோட்டக்காரர் மற்றும் வேலைக்காரிகளால் நிரப்பி, அதை ஒரு ஹோட்டலாக மாற்றி விட்டார்கள் ! அவள் தன்னை ஒரு சிருங்காரப் பொம்மை போல அலங்கரித்துக் கொண்டு, ஒரு அறையிலிருந்து மற்றொரு அறைக்கு ஓடிக்கொண்டு, பெரும்பாலான நேரம்,தனது கணவரின் அமைதியைக் கெடுக்கும் வண்ணம் அவரை அலைக்கழித்து , அதிகாரம் செய்து கொண்டு, அவரது கழுத்தில் ஒரு பாரமான மைல்கல் போலத் தொங்கிக் கொண்டு இருக்கிறாள். அவள் தன்னை, பணத்தைச் செலவழிப்பதிலும், வீணான ஆடம்பரப்பொருட்களை வாங்குவதிலும், சோம்பேரியாக நேரத்தைக் கழிப்பதிலும், கற்பனையான வியாதிகளுக்காக மருந்துகளை எடுத்துக் கொள்வதிலும் ஈடுபடுத்திக் கொள்கிறாள். ஜாக்கிரதை ! தாய்மார்கள் தான் தங்களது குழந்தைகளை இளம்பிராயத்தில் கவனித்துக் கொள்ள வேண்டும்; அவர்களை ஆயாக்களிடம் கொடுத்து விட்டால், பின்னர் குழந்தைகள், அவர்களின் வாழ்க்கை மற்றும் பேச்சு வழக்கங்களையே கற்றுக் கொள்வார்கள்; அவர்கள் இறந்தால் அழுவார்களே அன்றி, தாய் இறந்தால் அழ மாட்டார்கள் !ஏனெனில், பெற்ற தாயை விட, தன்னை கவனித்துக் கொண்ட ஆயாவைத் தான் அந்தக் குழந்தை, அதிகம் நேசிக்கத் தொடங்கும் ! ஒரு தாய் தானே தான், வீட்டில் உணவைச் சமைக்க வேண்டும்; ஏனெனில் அன்புடன் சமைக்கப் பட்டு, புன்முறுவலுடன் பரிமாறப்படும் உணவு, வேறு எங்கிருந்தும் வாங்கிக் கொண்டு வரப்பட்ட உணவை விட , அதிக போஷாக்கையும், வலிமையையும் ஊட்டுவதாகும் !