இரண்டு அணிகள், ஒவ்வொன்றும், பந்தை கோல் கம்பத்தின் உள்ளே அடித்து கோல் போட முயலும் வகையில், ஒரு கால்பந்துப் போட்டி, விளையாடப் படுகிறது. வாழ்க்கையும் கூட, உலகியலான மற்றும் ஆன்மீகமான கல்வி எனும் இரண்டு கோல் கம்பங்களுக்கு இடையே நடக்கும் ஒரு விளையாட்டே.கால் பந்து விளையாடும் போது, அதில் காற்று இருக்கும் வரை, ஒருவர் அதை உதைக்கிறார். ஒருமுறை அதிலிருந்து காற்றை நீக்கி விட்டால், ஒருவரும் அதை உதைக்க மாட்டார்கள். கால் பந்தில் உள்ள காற்று, அஹங்காரம் இருப்பதைக் குறிக்கிறது. அஹங்காரத்தால் அல்லாடும் ஒருவர், அவர் அஹங்காரத்திலிருந்து விடுபடும் வரை, அடிகளை வாங்கித் தான் ஆக வேண்டும். காற்று நீக்கப் பட்ட பந்து தான் கைகளில் எடுத்துக் கொள்ளப் படுகிறது; ஆனால் காற்று நிரப்பட்ட பந்து, இரக்கமின்றி உதைக்கப் படுகிறது. அதைப் போலவே, அஹங்காரத்தை அழித்து விட்ட ஒருவர் வெகுவாக மதிக்கப் படுகிறார்: ஆனால் அஹங்காரத்தை அதன் இஷ்டப்படி ஆட அனுமதிக்கும் ஒருவர், எல்லா விதமான தாக்குதல்களுக்கும் குறியாகிறார். நீங்கள் அஹங்காரமின்றி இருக்கும் போது மட்டுமே, நீங்கள் உங்களை ஒரு இலட்சிய புருஷனாக மாற்றிக் கொள்ள முடியும். உலகியலான பொருட்கள் வரும், போகும்: ஆனால் ஆன்மீக ஆதாயங்கள் என்றும் நிலைத்து நிற்கும்.