சகிப்புத் தன்மையை வளர்த்துக் கொள்வதற்கு, நீங்கள் மூன்று விதமான தூய்மையை அனுசரிக்க வேண்டும் -1. த்ரவ்ய சௌசம்(பொருட்களின் தூய்மை), 2. மானஸிக சௌசம் ( மனத்தூய்மை) 3. வாக் சௌசம் (வாக்குத் தூய்மை) 4.க்ரியா சௌசம் ( செயல் அல்லது உடல் தூய்மை). பொருட்களின் தூய்மை என்பது, ஒருவர் பயன்படுத்தும் அனைத்துப் பொருட்களையும் உள்ளடக்கியது; உடை, உணவு, சமைக்கும் பாத்திரங்களிலிருந்து வீடுகள் வரை, ஒருவர் பயன்படுத்தும் பல விதமான பொருட்களைக் குறிக்கும்.தினமும் பயன்படுத்தும் அனைத்தும் முழுமையாகத் தூய்மையானதாக இருக்க வேண்டும். மனத்தூய்மை என்பது மனதிலிருந்து எல்லாவிதமான விருப்பு, வெறுப்புக்களையும் முழுமையாக நீக்கி விடுவதாகும்.வாக்குத் தூய்மை, என்பது பொய்மையைத் தவிர்ப்பதோடு, வசைமொழிகள்,அவதூறான வதந்திகள் மற்றும் பிறருக்குத் துன்பம் விளைவிக்கும் பேச்சுக்கள் ஆகியவற்றைத் தவிர்ப்பதைக் குறிக்கிறது. இழிவான வார்த்தைகள், மனதை பாழடையச் செய்து,மனிதனைப் பண்புகள் அற்றவனாகச் செய்து விடுகிறது. உடலை, ஆசமனம் செய்வதன் மூலம் தூய்மைப் படுத்த வேண்டும். ( இந்தச் சடங்கு, இறைநாமத்தை மூன்று முறை உச்சரித்து, மூன்று கரண்டி நீரை, உள்ளங்கையில் இட்டு உட்கொள்வதாகும் )