உங்களது தெய்வீகத்தை உணருவதற்குத் தேவையான குணங்களில், தலையாயது ‘’க்ஷமா ‘’அதாவது சகிப்புத்தன்மை ஆகும். அது ஒவ்வொரு மனிதருக்கும் அத்தியாவசியமானதாகும்.அதுவே நற்குணங்களில் தலை சிறந்தது. சகிப்புத் தன்மையே சத்தியம், தர்மம், கருணை மற்றும் அஹிம்ஸையும் ஆகும். சகிப்புத் தன்மை , மற்ற ஒவ்வொரு நற்குணத்தையும் தன்னுள் அடக்கியதாகும். சகிப்புத் தன்மையைப் பெற, மனத்தூய்மையைக் கடைப்பிடிக்க வேண்டும். மனத்தூய்மைக்கு, விருப்பு ,வெறுப்புகளை முழுமையாக நீக்குவது அவசியமாகிறது.வெறுப்பு மற்றும் பொறாமைக்கு, இடமே அளிக்கக் கூடாது. இன்று, மனிதர்கள் ,பிறர் சந்தோஷமாகவோ அல்லது வளமையாகவோ இருப்பதைச் சகித்துக் கொள்ள முடியாதவர்களாக இருக்கிறார்கள்; இது ஒரு களங்கமடைந்த மனதின் அறிகுறியாகும். உண்மையான மனிதராக இருப்பதற்கு, உங்களுக்குத் தூய்மையான மற்றும் களங்கமற்ற, மனம் இருக்க வேண்டும். தீயவைக்குப் பதிலாக நல்லவற்றை அளிப்பதற்கும், எவருக்கும் எந்த சந்தர்ப்பத்திலும் தீங்கிழைக்காமல் இருப்பதற்கும், நீங்கள் பரந்த மனப்பாங்கினை வளர்த்துக் கொள்ள வேண்டும். அந்த ஒரே தெய்வீகமே-உங்களுள் உறையும் அதே தூய்மையான ஆத்மாவே,உங்களை உந்துவிக்கும் அதே சக்தியே-ஒவ்வொரு மனிதருள்ளும் சரிசமமாக இருக்கிறது என்பதை உணருங்கள்.