இளைஞர்களும், மாணவர்களும், நாட்டின் நாலா பக்கமும் சென்று, இடங்களைத் தூய்மைப் படுத்த வேண்டும்; தங்களைத் தூய்மையாக வைத்துக் கொள்வதன் மூலம், வைத்தியர்களின் தேவை இன்றி இருக்க வேண்டும். பிறருக்கு நல்லது செய்ய வேண்டும் என்பது குறிக்கோளாக இருக்குமானால், இறைவனே, நல்லது செய்வது அந்தத் தன்னலமற்ற குறிக்கோளை கவனித்துக் கொள்வான்.இதுவே வ்யாச மஹரிஷியின் பதினெட்டு புராணங்களின் சாரமாகும். பிறருக்கு நல்லது செய்ய முடிவது என்பதே ஒரு புண்யமாகும்;மற்றவர்களுக்குத் தீங்கிழைப்பதில் இருந்து விலகி இருக்க முடிவதும் கூட ஒரு புண்யமே.எனவே, உங்களால் பிறருக்கு நல்லது செய்ய முடியாவிடில்,அமைதியாக உட்கார்ந்து மௌனமாக இருங்கள்; ஆனால் , பிறருக்குத் தீங்கிழைக்காதீர்கள். பஞ்ச கர்மேந்திரியங்களும் எந்தக் களங்கமும் இன்றி இருக்குமாறு பார்த்துக் கொள்வதில் கவனம் செலுத்துங்கள். நீங்கள் உங்கள் கண்களால், தீமையான எதையும் பார்க்கக் கூடாது.உங்களது வாயால் தகாத எதையும் பேசக் கூடாது; அசுத்தமான எதையும் தீண்டக் கூடாது. இவ்வாறு, நீங்கள் உங்களது பஞ்ச கர்மேந்திரியங்களையும் ஸாத்வீகமான புனித நிலையில் வைத்திருக்க வேண்டும்.