இன்று பொருட்களோ ஒரு அளவோடு இருக்கின்றன;ஆசைகளோ அளவு மீறி இருக்கின்றன.நம்முடைய தேவைகளும், ஆசைகளும், பொருட்கள் கிடைப்பதை விட, அதிகரித்துக் கொண்டே போவதால், உலகில் ஒரு பொருளாதார ஏற்றத் தாழ்வு உள்ளது. பல மனிதர்கள் இதை, பொருட்கள் கிடைப்பதை அதிகரிப்பதன் மூலம் சரிசெய்ய முயலுகிறார்கள்.அதற்குப் பதிலாக, மனிதர்கள் தங்களது விருப்பங்கள் மற்றும் ஆசைகளைக் கட்டுப் படுத்தக் கற்றுக் கொண்டு விட்டால், முயற்சிகளுக்கோ அல்லது செலவுகளுக்கோ அவசியம் இருக்காது.நம்முடைய ஆசைகளையும், தேவைகளையும் குறைத்துக் கொள்ளும், இந்த அம்சம் தான் ’’ வைராக்யம்’’ என்று மறைநூல்களில் அழைக்கப் படுகிறது.வைராக்யம் என்ற இந்த வார்த்தைக்கு, நீங்கள் உங்கள் குடும்பத்தை விட்டு ஓடி வந்து, காட்டில் உட்கார்ந்து கொண்டு, மூக்கைப் பிடித்துக் கொண்டு, உங்களையே உடல் ரீதியாக சித்திரவதைக்கு உள்ளாக்கிக் கொள்வது என்று பொருளல்ல. பற்றின்மை ( வைராக்யம்) என்பதன் உண்மையான பொருள், நீங்கள் சமுதாயத்தில் இருந்து கொண்டே, உங்கள் கடமைகளை ஆற்றி, உங்களது விருப்பங்கள் மற்றும் ஆசைகளைக் கட்டுப் படுத்தக் கற்றுக் கொள்ள வேண்டும் என்பது தான். நமது வாழ்க்கை ஒரு நீண்ட பயணம். இந்த நீண்ட வாழ்க்கைப் பயணத்தில், உங்களது தேவைகள் மற்றும் ஆசைகளைக் குறைக்க எல்லா முயற்சிகளையும் செய்யுங்கள். வைராக்யத்தைக் கடைப்பிடிப்பது என்பதில், வீணடிப்பதைத் தவிர்த்து, தேவையான உணவை எடுத்துக் கொள்வதும் அடங்கும்.