உங்களிடம் ஒரு வீடு இருந்தது, அதில் நீங்கள் வசித்திருக்கிறீர்கள்.அது சௌகரியமாகவும், அழகாகவும், மனதைக் கவரும் வண்ணமும் இருப்பதில், நீங்கள் அதிக கவனம் செலுத்துகிறீர்கள். அதன் சுவர்களில் ஏதாவது சுவரொட்டி ஒட்டப் பட்டால், நீங்கள் ஆத்திரப்படுகிறீர்கள் !பின்னர் ஒருநாள் அந்த வீட்டை நீங்கள் விற்று விடுகிறீர்கள். அது இனிமேல் உங்களது பற்றுதலுக்கு உட்பட்ட ஒரு பொருளாக இருப்பதில்லை. உண்மையில், அதில் ஒரு இடி விழுந்தால் கூட, நீங்கள் கலங்குவதில்லை !இப்போது உங்களுக்குக் கிடைத்த பணத்தை, நீங்கள் உங்களுடையது என்கிறீர்கள்; அதை வங்கியில் போட்டு, அந்த வங்கி கொடுத்த பாஸ்புக்கின் மீது பற்றுதல் கொண்டு விடுகிறீர்கள். அதை ஒரு இரும்புப் பெட்டியில் வைத்து, அதன் பக்கங்களை மிகுந்த வாஞ்சையுடன் புரட்டுகிறீர்கள்.நீங்கள் வங்கியில் கொடுத்த பணத்தை, அவர்கள், உங்களுக்குப் பிடிக்காதவர்களுக்கு கடனாகக் கொடுக்காலாம்; ஆனால் நீங்கள் அதைப் பற்றிக் கவலைப் படுவதில்லை. உங்களிடம் தான் பாஸ்புக் இருக்கிறதே. இப்போது உண்மையில் எது உங்களுடையது? எதன் மீது நீங்கள் இவ்வளவு ஆழமாகப் பற்றுதல் கொண்டுள்ளீர்கள் ? வீடா, பணமா, இல்லை பாஸ்புக்கா? உண்மையில் நீங்கள் உங்கள் மனதில் ஆசைகளாக எழுந்த கௌரவம், படாடோபம், பேராசை ஆகியவற்றின் மீது பற்றுதல் வைத்துள்ளீர்கள்; அடிப்படையில் நீங்கள் உங்களது அஹங்காரத்தின் மீது பற்றுதல் கொண்டுள்ளீர்கள்.அது தான், ஒன்றன் பின் ஒன்றாக, இந்தப் பொருட்களை உங்களுடையது எனச் சொந்தம் கொண்டாடத் தூண்டியுள்ளது ! நீங்கள் ஒவ்வொருவரும் உங்கள் மனதிலிருந்து, காமம்,பேராசை, பொறாமை மற்றும் த்வேஷத்தை நீக்குவதற்காக, ஏதாவது ஒரு ஆன்மீக சாதனையை மேற்கொள்ள வேண்டும்.