அனைத்து மதங்களும் ஒரே ஒரு அடிப்படை ஒழுக்கத்தைத் தான் போதிக்கின்றன – மனதிலிருந்து அஹங்காரம் மற்றும் அற்ப சுகங்களைத் தேடி அலைவது போன்ற களங்கங்களை நீக்க வேண்டும் என்பதே அது.ஒவ்வொரு மதமும் மனிதர்களுக்குத், தங்களது இதயத்தை இறைவனது மஹிமையால் நிரப்பி, அகந்தையின் அற்பத்தனத்தை அப்புறப் படுத்துவதையே அறிவுறுத்துகின்றன. நீங்கள் உயர்ந்த குறிக்கோளுக்கு முயன்று, மோக்ஷத்தை அடையும் வண்ணம், அது, உங்களுக்கு வைராக்யம் மற்றும் விவேகத்தின் முறைகளில் பயிற்சி அளிக்கிறது. அனைத்து இதயங்களும் அந்த ஒரே ஒரு இறைவனால் தான் உந்தப்படுகின்றன;அனைத்து மதங்களும் அந்த ஒரே ஒரு இறைவனின் புகழைத் தான் பாடுகின்றன;அனைத்து மொழிகளிலுள்ள அவனது அனைத்து திருநாமங்களும், உங்களால் உருவாக்கப் படும் அவனது அனைத்து ரூபங்களும், அந்த ஒரே ஒரு இறைவனைத் தான் குறிக்கின்றன; அவனைப் போற்றுவதற்கான மிகச் சிறந்த முறை அன்பின் மூலமே; என்பதில் நம்பிக்கை வையுங்கள். அனைத்து குலங்கள், அனைத்து தேசங்கள், மற்றும் அனைத்து கண்டங்களில் உள்ள மக்கள் அனைவருக்கும் இடையே, அனைத்தும் ஒன்றே (ஏக-பாவம்), என்ற மனப்பாங்கினை வளர்த்துக் கொள்ளுங்கள். நான் உங்களுக்குக் கொண்டு வந்துள்ள அன்புச் செய்தி இதுவே. நீங்கள் உங்கள் இதயத்தில் ஏற்றுக் கொள்ள வேண்டும் என நான் விரும்பும் உபதேசமும் இதுவே. அன்பைப் பேணி, அன்பில் வாழ்ந்து, அன்பைப் பரப்புங்கள் – இந்த ஆன்மீக சாதனையே அதிகப் படியான நன்மையைத் தரும்.