தங்களது உள்ளார்ந்த எதிரிகளுடன் ஒவ்வொரு மனிதரும் நடத்தும் போராட்டம் வெவ்வேறானது.அவர்கள் இப்பிறவி மற்றும் முந்தைய பிறவிகளில் ஆற்றிய கர்மாக்களின் தகுதியின் ஆதாரத்தில், ஒவ்வொருவரும் அவர்களது ஆன்மீக சாதனைகளுக்கு ஏற்ற பலன்களைப் பெறுகிறார்கள். வாழ்க்கை என்பது எப்போதும் இரண்டும் இரண்டும் நான்கு என்பதைப் போன்ற ஒரு இயந்திர மயமான சூத்திரம் அல்ல. இரண்டைப் பற்றிய அவர்களது தனிப்பட்ட மதிப்பீட்டைப் பொறுத்து, சிலருக்கு, இரண்டும் இரண்டும் மூன்றோ அல்லது ஐந்தோ ஆகலாம். ஆன்மீகப் பாதையில், தங்களது கையில் ஏந்தியுள்ள தீபத்தின் ஒளியில், தற்போது அவர்கள் எங்கிருக்கிறார்களோ, அங்கிருந்து, அவர்களுக்கே உரித்தான வேகத்தில், ஒவ்வொருவரும் முன்னேற வேண்டும். ஆன்மீகத் துறையில் உங்களது முன்னேற்றத்தை பாதிக்கும் குறைகளைக் கண்டறிந்து, இறைவனைக் குறித்த உங்களது யாத்திரையில் முன்னேறும் வண்ணம் அவற்றைத் சரி செய்து கொள்ளுங்கள்.தூசியோ அல்லது அழுக்கோ தெரியாமல் இருப்பதற்காக, மக்கள் பல வண்ணத் துணிகளை வாங்குகிறார்கள்; தங்களின் கறைகளை பளிச்சென்று எடுத்துக் காட்டி விடுவதால், வெள்ளை நிறத்துணிகளை அவர்கள் விரும்புவதில்லை. ஆனால் உங்களது மன அழுக்குகளை இருட்டில் மறைக்க முயலாதீர்கள்; அதன் கறை படிந்த தன்மைகளுக்காக வெட்கப் பட்டு, அவற்றை விரைவாக நீக்குவதற்குப் பாடு படுங்கள்.