நீங்கள் உங்களது சொந்த குணநலன்களை ஆராய்ந்து, அதைப் பீடித்திருக்கும் குறைகளைக் கண்டறியப் பாடுபட வேண்டும்; மற்றவர்களின் குணநலன்களை அலசி, அவர்களது குறைகளைக் கண்டு பிடிக்க முயலாதீர்கள். வாழ்க்கை என்பது எதிரிகளை எதிர்க்கும் ஒரு போராட்டமாகும்; இந்தப் போராட்டம் தடைகள், தூண்டுதல்கள், கஷ்டங்கள் மற்றும் தயக்கங்களைக் கொண்டதாகும். இந்த சக்திகள் ஒவ்வொரு மனிதருள்ளும் இருக்கின்றன; எனவே இந்தப் போராட்டம் இடையறாததும், தொடந்து நடப்பதும் ஆகும்.இரத்த ஓட்டத்தில் விருத்தி அடையும் விஷக்கிருமியைப் போல, தீய குணங்களான காமம், பேராசை, க்ரோதம், வன்மம், தற்பெருமை மற்றும் பொறாமை ஆகியவை சக்தியையும், நம்பிக்கையையும் உறிஞ்சி, இறுதியில் ஒருவரை அழிவிற்கு இட்டுச் செல்கின்றன. ராவணன் தலை சிறந்த பாண்டித்யம், செல்வம்,சக்தி, அதிகாரம், ஏன் இறை அருளைக் கூடப் பெற்றிருந்தான்; ஆனால் அவனது மனதில் குடி கொண்டிருந்த தீய விஷக்கிருமிகளான காமமும், தற்பெருமையும் அவனை முழுமையாக அழித்து விட்டன.இந்த விஷக் கிருமிகள் தங்களது வேலையைத் தொடங்கிய பிறகு, அவனால் ஒரு கணம் கூட சாந்தி, சந்தோஷத்துடன் இருக்க முடியவில்லை. நல்லொழுக்கமே பலம், தீய குணங்களே பலஹீனம் என்பதை நினைவில் கொள்ளுங்கள்.