வாழ்க்கை என்பது நெருப்போடு விளையாடுவது போன்றது; பொசுங்கி எரிந்து விடாமல், நீங்கள் இதமான உஷ்ணத்தைப் பெற வேண்டும். எனவே, உங்கள் புலன்கள் மற்றும் அறிவை, புத்திசாலித்தனமாகப் பயன்படுத்தி, அவைகளின் கவர்ச்சியில் சிக்கி விடாமல், மோக்ஷத்தைப் பெறுவதற்காக, நீங்கள் உங்களது உள்ளார்ந்த போராட்டத்தில் இடையறாது ஈடுபட வேண்டும். தீபாவளி என்பது, நரகத்தை எதிர்த்து சொர்க்கம் பெற்ற வெற்றியை,தீய குணங்களை எதிர்த்து நற்குணங்கள் பெற்ற வெற்றியை எடுத்துக் காட்டும்,நரகாசுரனை எதிர்த்து, ஸ்ரீகிருஷ்ண பகவான் பெற்ற வெற்றியை நினைவூட்டுவதாகும். உங்களது இந்த உலக வாழ்க்கை, உங்களைத் தாழ்த்தும் உந்துதல்களுக்கும், உயர்த்தும் உந்துதல்களுக்கும் இடையே நிகழும் ஒரு இடைவிடாத போராட்டமே. ஸ்ரீமத் பாகவதம் கூறுவது போல, மனதை இறைவன் பால் இடையறாது இருக்குமாறு செய்வதன் மூலம் உங்களுள் உள்ள நரகாசுரனை அழிக்க முடியும். உங்களை கீழ்மைப் படுத்தும், உங்களுள் உள்ள ஆறு எதிரிகளை ( காம, க்ரோத, லோப,மோஹ, மத, மாத்ஸர்ய),நீங்கள் அடக்கி வென்றால் தான், ஞானமெனும் ஜோதி, தெளிவாகவும், பிரகாசமாகவும், ஒளி வீச முடியும். இதை எடுத்துக் காட்டுவதற்காகத் தான் ஒவ்வொரு வீட்டிலும் வரிசையாக தீபங்கள் ஏற்றி வைக்கப் படுகின்றன.