எப்போது பார்த்தாலும், மனிதர்கள், செல்வம், குடும்பம் மற்றும் குழந்தைகள் பற்றிய கவலைகளிலேயே இருக்கிறார்களே அன்றி, இறைவனைப் பற்றி எண்ணுவதே இல்லை. கண நேரங்களே இருக்கும் பக்தி இருக்கிறது, ஆனால் இவை கூட அதிகம் படாடோபமாக உள்ளதே அன்றி, உண்மையான உணர்ச்சி வெளிப்பாடுகளாக அல்ல. இறைவன் பால் உள்ள நம்பிக்கை இறையுணர்வுடனான வாழ்க்கையாக வெளிப்படவில்லை என்றால், அது வெறும் பாசாங்கே.நீங்கள் பல உபன்யாசங்களைக் கேட்டு இருக்கிறீர்கள் என்பதை நான் அறிந்து கொள்ள விரும்பவில்லை.நீங்கள் உங்களையே முழுமையாக திருத்திக் கொண்டு விட்டீர்கள் என்பதையே அறிந்து கொள்ள விரும்புகிறேன். இப்படிப் பட்ட மாற்றமே உண்மையான பக்தியின் அறிகுறியாகும். தரை ஈரமாக இல்லாமல், மழை கொட்டியது என்று சொல்வதால் என்ன பயன்? வார்த்தைகளில்,’’ சாய்ராம்’’ என்று கூறிக் கொண்டு, எண்ணங்களில் நேர்மையின்றி இருப்பது, அப்பட்டமான ஏமாற்று வேலையாகும். ‘’சாய்ராம்’’ என்ற நமஸ்காரம் ஒருவரது அந்தராத்மாவிலிருந்து வர வேண்டும்.அனைவரிடத்திலும், சகோதரத்துவ உணர்வை வளர்த்துக் கொள்ளுங்கள். விட்டுக் கொடுப்பதன் மூலம், கருத்து வேறுபாடுகளை சரி செய்து கொள்ள முடியும்.நீங்கள் அஹங்காரத் தற்பெருமைகளை விட்டு விட்டால், நீங்கள் அனைத்து கஷ்டங்களையும் வெல்லலாம். இப்போதிலிருந்து உங்கள் அறியாமையையும், அஹங்காரத்தையும் தீயிலிட்டுப் பொசுக்கி விட்டு, உங்களது இதயங்களில் ப்ரேமையை வளர்த்துக் கொள்ளுங்கள். ஸ்வாமியினுடைய அறிவுரைகளுக்கு ஏற்ப நடந்து , உங்களது வாழ்க்கைகளைப் மீட்டுக் கொள்ளுங்கள்.