இந்நாளில், பக்தர்களிடையே, சுயநலம் தலை விரித்தாடுகிறது;அவர்கள் இறைவனை, இறைவனுக்காக நேசிப்பதில்லை,ஆனால் தங்களது சுயநலமான ஆசைகளைப் பூர்த்தி செய்து கொள்வதற்காக மட்டுமே நேசிக்கிறார்கள். சுயநலம் இருக்கும் வரையில்,தெய்வீகத்தைப் புரிந்து கொள்ள முடியாது. நவராத்ரிப் பண்டிகையை, ஒருவரது இயல்பை, அது மனிதத்தனமானதா, மிருகத் தனமானதா அல்லது அசுரத் தனமானதா என ஆராய்வதற்கான சந்தர்ப்பமாக எடுத்துக் கொண்டு, மிருக இயல்பை, மனித இயல்பாக மாற்றி, அதைப் பிறகு தெய்வீகமாக்குவதற்குப் பாடுபட வேண்டும். நவராத்ரி பிரார்த்தனைகளின் போது, நீங்கள்,’’ நேத்ரம் சமர்ப்பயாமி’’ அதாவது நான் எனது கண்களை இறைவனுக்கு அர்ப்பணிக்கிறேன் என்று ஜபிக்கிறீர்கள். இதன் பொருள் நீங்கள் உங்களது கண்களை அர்ப்பணிக்க வேண்டும் என்பதா? இல்லை ! இந்த மந்திரத்தின் உட்பொருள், நீங்கள் பார்க்கும் அல்லது செய்யும் அனைத்திலும் இறைவனைக் காண்கிறீர்கள் என்பதே ஆகும்.உங்களது அங்கங்களைச் சமர்ப்பிக்கும் வழிபாட்டின் ( அங்கார்ப்பண பூஜை) உண்மையான அர்த்தம், நீங்கள், உங்களை எக்காலத்திலும் இறைவனது சேவைக்காக அர்ப்பணிக்கிறீர்கள் என்று அறிவிப்பதே ஆகும்.எனவே, இன்றிலிருந்து, நீங்கள் ஆற்றும் ஒவ்வொரு செயலையும், இறைவனுக்கு அர்ப்பணமாக மட்டுமே செய்யுங்கள்.