பண்டைய காலத்திலிருந்தே மக்கள், பண்டிகைகளின் உள்ளார்ந்த முக்கியத்துவத்தைப் புரிந்து கொள்ளாமல், வெளிப்படையான வழிபாடுகளைக் கடைப்பிடித்து கொண்டு வருகிறார்கள். இயற்கை (ப்ரக்ருதி), நவராத்ரியின் ஆன்மீக உண்மையை கற்பிக்கிறது.இந்த பிரபஞ்சம் அனைத்தும் ஒரு கோவிலே. இறைவன் இந்த பிரபஞ்சம் அனைத்திலும் வியாபித்து இருக்கிறான். சாயியின் ப்ரேமையை, ஆன்மீக சாதனைகளின் மூலம் உணருங்கள்.ஆன்மீக சாதனை என்றால், இறைவனை ஒரு குறிப்பிட்ட தலத்தில் அல்லது ரூபத்தில் வழிபடுவது என்று பொருளல்ல.அதன் பொருள் நீங்கள் எங்கிருந்தாலும்,நீங்கள் செய்யும் அனைத்திலும் இறைவனை சிந்திக் கொண்டு இருக்க வேண்டும் என்பதே ஆகும். இது சாத்தியமா என்று நீங்கள் கேட்கக் கூடும். ஒவ்வொரு செயலையும் இறையார்ப்பணமாக செய்வதன் மூலம் இது சாத்தியமே என்பதே, இதற்கு பதிலாகும்.நவராத்ரியின் போது,அங்கார்ப்பண பூஜா என்ற ஒரு வழிபாட்டு முறை இருக்கிறது. இந்த வழிபாட்டில்,உடலின் அனைத்து அங்கங்களும், இறைவனுக்கு, ஒரு அர்ப்பண (சரணாகதி) உணர்வோடு சமர்ப்பிக்கப் படுகின்றன. சரணாகதி என்றால், அனைத்தையும் இறைவனுக்கு அர்ப்பணித்து விட்டு, தானும், இறைவனும் வெவ்வேறானவர் என்ற உணர்வை விட்டு விடுவதாகும். ஒரே தெய்வீகம் தான் உங்களுள்ளும், அனைத்து ஜீவராசிகளிலும் உறைகிறது (ஏகோ வஸி ஸர்வபூதா அந்தராத்மா) என்பதில் உறுதியாக இருங்கள் .