ஒரு மனிதனின் தலையாய குணம் என்ன?அதுவே சத்தியத்தைப் பேசுவது. அசத்தியத்தைப் பேசுவதும்,பொறுப்பில்லாமல் பேசுவதும் ஒரு மனிதனுக்கு அழகல்ல.நீங்கள் பயனற்ற மற்றும் பகுத்தறியாத பேச்சில் பங்கேற்றால், அதை சத்தியம் என்று எவ்வாறு கூற முடியும்? உண்மையில் சத்தியம் உங்கள் நாவில் தாண்டவமாட வேண்டும். நீங்கள் எதையும் பேச ஆரம்பிப்பதற்கு முன்னால், அது சத்தியமா இல்லையா என்று ஆராய வேண்டும். ‘’ சத்தியம் ஒன்றே, இரண்டல்ல‘’. இருமை இருந்தால் அது சத்தியம் அல்ல. நமது இதயத்திலிருந்து வெளிப்படும் சத்தியத்தை மட்டுமே நாம் பேச வேண்டும். இந்த உலகனைத்தும் சத்தியத்திலிருந்தே தோன்றியது; அனைத்தும் சத்தியத்திலேயே ஒன்றிணைகிறது. ஆகாயத்தில் செல்லும் மேகங்கள், சில சமயம் சூரியனை மறைக்கக் கூடும். மேகங்களை நீக்க முடியாது. அவை வரும் , போகும்.மேகங்கள் நகர்ந்த உடனேயே ஜகஜ்யோதியான சூரியன் கண்களுக்கு முழுவதும் தெரிகிறது. அதைப் போலவே, கரு மேகங்கள் போன்ற சந்தேகங்கள் நமது இதயத்திலிருந்து விலகிய உடனேயே சத்தியம் வெளிப்படுகிறது.