ஒரு இளம் கன்றுக் குட்டி தனது தாய்ப்பசுவிற்காக ஏங்குவதைப் போல, இறைவனுக்காக ஏங்குங்கள் ! ஒரு இளம் கன்றுக் குட்டியை, ஆயிரம் பசு மாடுகள் இருக்கும் ஒரு இடத்திற்கு இட்டுச் சென்று அவிழ்த்து விடுங்கள். அது தனது தாய்ப்பசுவைக் கண்டு பிடித்து விடும்-ஒவ்வொரு கன்றுக் குட்டியும், அதைச் சரியாகச் செய்யும் ! அதைப் போலவே, உங்களது அனைத்து வாழ்வாதாரமும், ஆதரவும் , உங்களுக்கு எங்கிருந்து கிடைக்கிறது என்பதை நீங்கள் அறிந்திருக்க வேண்டும். ஒவ்வொரு ஜீவராசியும் ,தனது உதவியையும், நிவாரணத்தையும், நீங்கள் உருவான அந்த இறைவனிடமிருந்தே தான் பெறுகின்றன. ஒரு அவசர உணர்வுடன் ஆன்மீகப் பாதையில் செல்லுங்கள், ஏனெனில்,மரணம் உங்களது உயிரைப் பிடுங்கிக் கொள்ளக் காத்திருக்கிறது ! அனைத்து அற்பமான ஆசைகளையும் மறந்து விடுங்கள். வெற்று சுகங்களில் திளைத்து, உங்களது விலை மதிக்க முடியாத தருணங்களை வீணடிக்காதீர்கள். நீங்கள் அவ்வாறு செய்வதற்குக் காரணம், நீங்கள், உங்களை , உங்களது உடலோடு இனம் கண்டு கொள்வதால் தான். இந்த உடல், ஒரு வாசஸ்தலம், ஒரு வாஹனம் மேலும் ஒரு மேலுறையைப் போன்றதே அன்றி வேறில்லை. உங்களை நீங்கள், அதில் ஒரு வசிப்பவராக உணருங்கள்; உங்களது துக்கம் உடனேயே மறைந்து விடும். நீங்கள் அஹங்காரம் குறைந்தவர்களாக ஆவீர்கள்; உங்களைப் போலவே தத்தம் உடல்களில் உறையும் மற்றவர்களுடன், ஒரு உறவு முறையை உணர்வீர்கள்.