இந்த வாழ்க்கை எனும் நீண்ட நெடும் பயணத்தில், நீங்கள் மிகக் குறைந்த சுமைகளுடன்( ஆசைகள்) பயணம் செய்ய வேண்டும். அதனால் தான், ’’ குறைந்த சுமை, கூடுதல் சுகம்; உங்கள் பயணத்தை இனிமையானதாக ஆக்குங்கள் ‘’ எனக் கூறப்படுகிறது. எனவே, இன்றிலிருந்து சீரிய கோட்பாடான ‘’ ஆசைகளுக்கு வரையறை ‘’ என்பதை ஏற்று, பழக்கத்தில் கொண்டு வாருங்கள். உங்களது ஆசைகளை நாளுக்கு நாள் குறைக்க விழையுங்கள். ஆசைகளைப் பூர்த்தி செய்வதில் தான் சந்தோஷம் இருக்கிறது என்ற தவறான கருத்தை நீங்கள் கொண்டிருக்கிறீர்கள். ஆனால், உண்மையில், ஆசைகளை முழுமையாக நீக்கி விட்ட பின்பு தான், ஆனந்தம் உதயமாகத் தொடங்குகிறது. எப்போது நீங்கள் ஆசைகளைக் குறைக்க ஆரம்பிக்கிறீர்களோ, அப்போது தான் நீங்கள் துறவு நிலையை நோக்கி முன்னேறுகிறீர்கள்.உங்களுக்கு பல ஆசைகள் இருக்கலாம். அவைகளிலிருந்து உங்களுக்கு என்ன கிடைக்கிறது? ஏதோ ஒன்றை உங்களுடையது என்று நீங்கள் எப்போது நினைக்கிறீர்களோ, அப்போதே அதன் விளைவுகளை நீங்கள் எதிர் கொண்டே ஆக வேண்டும். ஒரு துண்டு நிலத்தைக் கூட உங்களுடையது என நீங்கள் உரிமை கொண்டாடினால், பின்னர் அதன் பலனை நீங்கள் அனுபவித்தே ஆக வேண்டும்.அஹங்கார, மமகாரங்கள் ( நான், எனது) என்ற உணர்வு உங்களைத் துன்பத்தில் ஆழ்த்தும். அஹங்கார, மமகாரங்களை விட்டு விட்ட அந்தத் தருணத்திலேயே, நீங்கள் ஆனந்தமயமாகி விடுவீர்கள்.