இன்று ஒவ்வொருவரும், கவலை மற்றும் கலக்கத்தினால் துன்பப் பட்டுக் கொண்டு இருக்கிறார்கள். நீங்கள் கவலைகள் இன்றி ஒரு கணம் கூட இருப்பதில்லை.’’ பிறப்பதே ஒரு கவலை,பூமியில் வசிப்பதே ஒரு கவலை , உலகமே கவலைக்குக் காரணம், இறப்பது கூட கவலைக்கு ஒரு காரணம்; குழந்தைப் பருவம் முழுவதுமே ஒரு கவலை, முதுமையும் அப்படியே; வாழ்க்கையே ஒரு கவலை,தோல்வி ஒரு கவலை; அனைத்து செயல்களும், கஷ்டங்களும் கவலையை உண்டாக்குகின்றன; சந்தோஷம் கூட ஒரு வித மர்மமான கவலையே’’ என்கிறது ஒரு தெலுங்குப் பாடல் ! உடல் பற்றே எல்லாக் கலக்கங்களுக்கும் மூல காரணம். கஷ்டங்களுக்கும் கவலைகளுக்கும் உட்படாமல், சந்தோஷத்தை அனுபவிப்பது சாத்தியமில்லை. இன்பம் என்பது இரு துன்பங்களுக்கு நடுவே உள்ள ஒரு இடைவெளி. நீங்கள் பல காரியங்களை, சில நல்லவற்றையும், சில தீயவற்றையும், செய்கிறீர்கள். உங்களது சிந்தனைகளே ( ஸங்கல்பமே),இந்த இருமைக்குக் காரணம்.நல்ல எண்ணங்கள், நல்ல செயல்களுக்கும், நல்ல செயல்கள்,நல்ல எண்ணங்களுக்கும் இட்டுச் செல்கின்றன. நீங்கள் ஸங்கல்ப, விகல்பங்களின் உருவமே. உண்மையான ஆன்மீக சாதனை , உங்களது சிந்தனைகளையும், வக்ரங்களையும் கட்டுப் படுத்துவதில் தான் இருக்கிறது.