ஆதி சங்கரர், 5ம் நூற்றாண்டிலேயே, கேரளாவிலிருந்து கால்நடையாக,காசி, பத்ரி, காஷ்மீர்,பூரி,சிருங்கேரி போன்ற பல இடங்களுக்கு யாத்திரை செய்தார். அவர் வாழ்ந்த்து என்னவோ முப்பத்தி இரண்டு ஆண்டுகள் மட்டுமே !அவர் ஆற்றிய மகத்தான பணிகளை – எழுதுவது, விளக்கமளிப்பது,பிரசாரம் செய்வது, நிர்மாணிப்பது, ஏற்பாடுகள் செய்வது, உத்வேகமளிப்பது, போதனைகள் செய்வது- என்ற இந்த அனைத்தையும் 14,15 வருட வாழ்க்கையிலேயே செய்து முடித்து விட்டார்! வாழ்க்கை என்பது செயலாற்றுவதைத் தவிர வேறில்லை. செயலாற்றிக் கொண்டே இருங்கள், எந்தப் பணியையும் ஏற்றுக் கொள்ளுங்கள்- இதுவே இறைவன் மனிதனுக்கு அவன் பிறக்கும் போது அளிக்கும் செய்தியாகும்.உங்களது மூச்சு, உங்களுக்கு எப்போதும் ‘’ ஸோஹம் ‘’ என்பதை, ‘’ஸோ’’ என்று மூச்சு உள்ளே போகும்போது, ‘’ஹம்’’ என்று மூச்சு வெளியேறும் போது, போதித்துக் கொண்டே இருக்கிறது. நீங்கள் தற்போது இருக்கும் நிலையை நீங்களே கணித்து,உங்களது ஆன்மீக முன்னேற்றத்திற்கு ஏற்ற பணியைத் தேர்ந்தெடுங்கள். செயலாற்றுவதில், உயர்ந்தது, தாழ்ந்தது என்றெல்லாம் கிடையாது. கண்கள் காண வேண்டும், காதுகள் கேட்க வேண்டும், கைகள் பற்றிக் கொள்ள வேண்டும்.அதுவே அவற்றின் கடமை அல்லது தர்மம். அதைப் போலவே,நீங்கள் ஒவ்வொருவரும், உங்களது ஸ்வதர்மத்திற்கு ஏற்றவாறு நடந்து கொண்டு ஆன்மீகத்தில் முன்னேற வேண்டும்.