இந்நாளில், பெரும்பாலானவர்கள்,குறிப்பாக மாணவர்களும்,இளைஞர்களும், அவர்களது வாழ்க்கைகளை, பிரம்மசர்யத்தில் ஒரு வலுவான அஸ்திவாரம் இல்லாததால், சீரழித்துக் கொண்டு இருக்கின்றனர். பெரியவர்கள், எப்போதாவது, குறைந்த பட்சம் ஒரு ஐந்து நிமிடம் பிரார்த்தனையில் உட்காரச் சொன்னால், அவர்கள் நேரமில்லை என்று சொல்கிறார்கள்;ஆனால் தீய குணங்கள் மற்றும் தீய பழக்கங்களில் மூழ்கிக் கிடப்பதற்கு அவர்களிடம் வேண்டிய அளவு நேரம் இருக்கிறது. பிரம்மச்சர்யத்தில் ஒரு வலுவான அஸ்திவாரத்தை உருவாக்க எல்லா முயற்சியும் செய்யுங்கள். திருமணம் செய்து கொள்ளாத ஒருவராக இருப்பது அல்ல பிரம்மச்சர்யம்; இடையறாது, இறைவனை தியானிப்பதே உண்மையான பிரம்மச்சர்யம். எல்லா சந்தர்ப்பங்களிலும், இறைவனை எண்ணி அவனது நாமத்தை ஜபியுங்கள்.தூய்மையான ஒரு வாழ்க்கையை நடத்துங்கள். உங்களது வாழ்க்கையை ப்ரேம தத்துவத்திற்கு அர்ப்பணியுங்கள். உங்களது வாழ்க்கை பாதுகாப்பாகவும், சந்தோஷமாகவும் இருக்கும். ஒரு பெரிய மாளிகையில், நீங்கள் அழகாக உருவாக்கப் பட்ட சுவர்களையும், கூரையையும், அந்த முழு கட்டிடத்தையும் காண்கிறீர்கள்; ஆனால் அஸ்திவாரத்தைப் பார்க்க முடிவதில்லை. அது கீழே மறைந்துள்ளது. வெளியிலிருந்து நாம் காணும் மிகப் பெரிய அழகான மாளிகையின் ஸ்திரத்தன்மை, கண்களுக்குப் புலப்படாத அஸ்திவாரத்தின் மீதே இருக்கிறது.