நீங்கள் சமையல் செய்ய முற்படும்போது, அதற்குத் தேவையான அரிசி,பருப்பு, உப்பு, எலுமிச்சை , மசாலா மற்றும் காய்கறிகள், உங்களிடம் இருப்பது அவசியம். ஆனால், உங்களது அடுப்பில் நெருப்பு இல்லை என்றால், உங்களுக்குச் சாப்பிடத் தகுந்த உணவு கிடைக்காது.அதைப் போலவே, ஜீவ ஞானமே, ( தெய்வீகம் எனும் சாகரத்தின் ஒரு அலையே உங்களது உண்மை நிலை என்ற ஞானம்), பொருட்களாலான இந்த உலகம், வெளிப்புற செயல்பாடுகள் மற்றும் அனுபவங்களை உண்ணத் தகுந்த, ருசியான, ஜீரணமாகக் கூடிய, ஆரோக்கியம் தரக்கூடிய மற்றும் சந்தோஷம் தரக்கூடிய, ஒன்றாகச் செய்வதற்கான நெருப்பாகும். அந்த சந்தோஷமே ஆனந்தம் எனப்படுகிறது;அதுவே உங்களை மேம்படுத்தும், ஒளியூட்டும், ஆக்க பூர்வமான ஒன்றாகும். ‘’ இகத்திலான’’ இந்த வாழ்க்கை, ‘’ பரத்தை’’ அடைவதற்கே. ( அதாவது இஹ நிவாஸம், பர ப்ராப்திக்காகவே). உங்களது உடலை, கழுவி,கட்டுப்போட்டு,களிம்பு இட்டு, தினமும் மூன்று அல்லது நான்கு முறை சிகிச்சை அளிக்க வேண்டிய, ஒரு காயமாகக், கருதுங்கள்.உணவு மற்றும் குடிநீரின் உண்மையான குறிக்கோள் அதுதான். தாகம் ஒரு வியாதி, தண்ணீர் அதற்கு மருந்து. பசி ஒரு வியாதி, உணவு அதற்கான மருந்து. இன்பங்களுக்காக ஏங்குவது ஒரு வியாதி, பற்றின்மையே அதற்கான மருந்து !