ஒரே ஒரு அங்குலம் நீளமுள்ள கண், லட்சக்கணக்கான மைல் தொலைவில் உள்ள நட்சத்திரங்களைக் காண முடியும்; ஆனால் கண்ணா காண்கிறது? ஒரு கண் தன்னையே காண முடியுமா? இல்லை. மற்றவர்களை அறிந்து கொள்ள நீங்கள் கற்றுக் கொள்ள வேண்டும்; அதை விட உங்களையே அறிந்து கொள்வது எப்படி என்பதை நீங்கள் கற்றுக் கொள்ள வேண்டும். மற்றவர்கள் மற்றும் உங்களைச் சுற்றியுள்ள ஒவ்வொன்றையும் பற்றி அறிந்து கொள்ள நீங்கள் மிகவும் ஆர்வமாக இருக்கிறீர்கள். பொது இடங்களான ரயில்கள்,விமான நிலயங்கள் அல்லது பஸ்களில் நீங்கள் தற்செயலாக சந்திப்பவர்களைக் கூட ,நீங்கள் அவர்களது குடும்பம், சொத்து மற்றும் குலம் கோத்திரத்தைப் பற்றி விசாரிக்கிறீர்கள். ஆனால்,உங்களது சொந்த குலம் கோத்திரம், சொத்து, பாரம்பர்யம் மற்றும் அந்தஸ்தைப் பற்றி உங்களுக்குத் தெரியுமா? நீங்கள், உங்களது பரம்பரைச் சொத்தான ஒழுக்க நெறிகளை வரையறை செய்து கொடுத்த மனுவின் புதல்வரான மனுஜா, அதாவது, மனிதர்கள். உங்கள் இதயத்தில் இறைவன் கொலு வீற்றிருப்பதால், நீங்கள் அடிப்படையில் தெய்வீகமானவர்கள். இந்த விலை மதிக்க முடியாத அனைத்து சொத்துக்களையும் இல்லை என்று உதறிவிட்டு, நீங்கள் பாமரர் மற்றும் உணர்வில் பலஹீனமானவர்கள் என்று அறிவித்துக் கொண்டு இருக்கிறீர்கள் ! உங்களது சொந்தக் கண்களைக் காண்பதற்கு உங்களுக்கு ஒரு கண்ணாடி தேவை; உங்களது இயல்பான மகத்துவத்துடன் உங்களையே காண்பதற்கு உங்களுக்கு ஒரு குரு தேவை.