மக்கள் இறைவனை நம்புவதில்லை; ஆனால் பத்திரிக்கைகளையும், அதில் வெளியிடப்படும் அனைத்தையும் நம்புகிறார்கள்.அவர்கள் கண்களால் காணாததை நம்புகிறார்கள்; அவர்கள் காதால் கேட்பதை எல்லாம் உண்மை எனவும் கருதுகிறார்கள்.ஒரு குருடன் இருட்டிலேயே இருக்கிறான்; அவன் வெளிச்சம் என்று ஒன்று இல்லவே இல்லை என்று சொன்னால், அவனது இந்த மறுப்பிற்கு ,நாம் ஏதாவது மதிப்பளிக்க வேண்டுமா என்ன? இல்லையே! மாறாக, நீங்கள் ஒரு விமானம் , ஆகாயத்தில் விரைந்து பறப்பதைப் பார்க்கிறீர்கள்; யாரோ ஒருவர், அதை ஒரு ஃபைலட் பறக்க வைக்கிறார் என்று உங்களிடம் சொல்கிறார்; ஆனால், நீங்கள் இருக்கும் இடத்திலிருந்து நீங்கள் அவரைப் பார்க்காததால்,நீங்கள் அதை நம்ப மறுக்கிறீர்கள். இது சரிதானா?பறக்கும் ஒரு விமானத்திற்கு ஒரு ஃபைலட் இருக்க வேண்டும் என ஊகிப்பது அறிவிற்கு ஏற்புடையதே அல்லவா?இதை நீங்கள் உறுதி செய்ய வேண்டும் என்றால்,நீங்கள் அந்த விமானத்தில் ஏறி, ஃபைலட்டைப் பார்க்க வேண்டும்! தரையில் நின்று கொண்டு அவர் இருப்பதை மறுப்பது புத்திசாலித்தனமல்ல. அதைப் போலவே, இந்தப் பிரபஞ்சத்தைப் பார்த்து விட்டு, நீங்கள் இறைவன் இருக்கிறான் என்பதை உறுதியாக நம்பவேண்டும்; நீங்கள் அவனைக் காண முடியவில்லையே என்பதற்காக அவன் இல்லை என மறுக்கக் கூடாது.