இறைவன் ஸர்வ வல்லமை படைத்தவன்; கல் போன்ற இதயங்களைக் கூட அவனால் உருக்க முடியும்; இருந்த போதும், அவன் அவ்வாறு செய்ய முனைவதில்லை. தங்களது வாழ்க்கையின் குறிக்கோள்களான தர்ம, அர்த்த, காம மற்றும் மோக்ஷத்தைப் பற்றி ஒழுகுவதன் மூலம், மனிதர்களுக்கு, தங்களது பாதையைச் சீர் செய்து கொள்வதற்கான சக்தி உள்ளது ; எனவே, இறைவன் முதலில் நீங்கள் உங்களது சிந்தனைகளை, உங்களது முயற்சியாலேயே சரி செய்து கொண்டு, பின்னர் இறைவனது உதவியை நாட வேண்டும் என்று எதிர்பார்க்கிறான். உங்களது வாழ்க்கை, தலையில் தண்ணீர்க் குடத்தை வைத்து சுமந்து செல்லும் ஒரு கிராமப் பெண்மணியைப் போல இருக்க வேண்டும்.அவள் நடந்து செல்லும்போது, தன்னுடன் கூட வரும் மற்ற பெண்களோடு பேசிச் சிரித்துக் கொண்டே வருவாள். இருந்த போதும், அவளது தலையில் உள்ள குடத்தை மிகவும் கவனத்துடன் பார்த்துக் கொள்வாள்.அதைப் போலவே, சாதாரணமாக உலகில் வாழும் போது, நாம் எதிர்கொள்ளுபவற்றை எளிதாக எடுத்துக் கொள்ளும் அதே சமயத்தில், ஆன்மீக அம்சங்களையும் கூட, அவற்றை மறக்காமலும், ஒதுக்காமலும், அதிகமான சிரத்தையுடன் கவனிக்க வேண்டும். நீங்கள் எந்த வேலை மற்றும் பணியைச் செய்தாலும், உங்களது கவனம் இறைவன் பால் இருக்குமானால், பின்னர் இறைவன் உங்களை எப்போதும் பேணிக் காத்திடுவான்.