மனித குலம் பல அவதாரங்களை அறிந்திருந்தாலும், மனிதர்கள் அவதாரத்தின் எல்லா அம்சங்களையும் முழுமையாகப் புரிந்து கொள்ளவில்லை. அரூபமான இறைவன் ,ரூபம் எடுத்து , மனிதர்கள் இடையே ஏன் வருகிறான் என்பதன் காரணத்தை, நாம் ஆராய வேண்டும். அது எதனால் என்றால், அவன் மனிதர்களுடனேயே பழகி, அவனே முன்னுதாரணமாக இருந்து, பல இலட்சியங்களை நிலைநாட்டி, அவர்கள் கற்றுக் கொள்ள வேண்டிய அம்சங்களைப் பற்றி எடுத்துச் சொல்வதற்காகவே. பலர், அப்பாவித் தனமாகவும், அறியாமையாலும், ஏன் ஸர்வ வல்லமை பொருந்திய இறைவன் ஒரு அவதாரமாக,பல இன்னல்களுக்கு தன்னை ஆட்படுத்திக் கொண்டு, எங்கு பார்த்தாலும் பசி, பட்டினி மற்றும் துன்பங்களைச் சகித்துக் கொள்ள வேண்டும் என்று கேட்கிறார்கள். அனைத்து வல்லமையும் படைத்த ஒரு அவதாரம் கணப் பொழுதில் எல்லாத் துன்பங்களையும் களைந்து விட முடியுமே.இந்தக் கேள்விக்கு ஒரு அர்த்தம் இருக்கிறது என்று வைத்துக் கொண்டாலும், ஏன் ஒரு அவதாரம் மனித உருவில் வர வேண்டும்? அவன் இந்த அரூப நிலையில் இருந்து கொண்டே இந்த அனைத்தையும் செய்யலாமே. ஒரு கால கட்டத்தில், மற்றும் சில சந்தர்ப்பங்களில் எதைச் செய்ய வேண்டுமோ அதைச் செய்ய வேண்டும்; இப்படிப் பட்ட செயல்களை மனித அளவில் செய்தும் ஆக வேண்டும்.