முற்பிறவியில் செய்த கர்மத்தின் பலனை இந்தப் பிறவியில் அனுபவித்துத் தான் ஆக வேண்டும்; இறை அருள் எவ்வளவு இருந்தாலும் மனிதனை அதிலிருந்து காப்பாற்ற முடியாது என நீங்கள் கூறக் கூடும். உண்மையால் யாரோ உங்களுக்கு அவ்வாறு நம்பும்படிக் கற்றுக் கொடுத்திருக்கிறார்கள் ! ஆனால், நீங்கள் அவ்வாறு கர்ம பலத்தினால் அவதிப் படத் தேவை இல்லை என்று நான் உத்திரவாதம் அளிக்கிறேன் ! ஒரு அதிகமான வலி உங்களை வாட்டும்போது, டாக்டர் உங்களுக்கு மார்ஃபின் ஊசி போடுகிறார்; உங்கள் உடலில் அது இருந்தாலும், அந்த வலியை நீங்கள் உணருவதில்லை. இறை அருள் மார்ஃபினைப் போன்றது, நீங்கள் அதை அனுபவித்துக் கொண்டு இருந்தாலும், வலியை நீங்கள் உணருவதில்லை ! இறை அருள்,நீங்கள் அனுபவிக்க வேண்டிய கர்மாவின் கடுமையை, நீக்கி விடுகிறது. காலாவதியாகி விடும் மருந்துகள் உள்ளன; ஒரு குறிப்பிட்ட காலத்திற்குப் பிறகு, அவை வீரியமற்றவையாக ஆகி விடுகின்றன. அதைப் போலவே, இறை அருள் என்பது, நீங்கள் அனுபவிக்க வேண்டி இருந்தாலும், கர்மத்தின் பலனை ஒன்றும் இல்லாததாக்கி விடுகிறது ! எனவே, ‘’ லலாட லிகிதத்தை ‘’( தலையெழுத்தை) பலன் இல்லாமல் செய்ய முடியாது என்று கூறுவது தவறு . இறை அருளால் எதையும் வெல்ல முடியும்; எதுவும் அதன் முன் எதிர்த்து நிற்க முடியாது. இறை அருள் என்பது, ‘’ ஸர்வ வல்லமை பொருந்திய இறைவனுடையது’’ என்பதை நினைவில் கொள்ளுங்கள்.