இறைவனுக்காகவே ஆற்றப்படுகின்ற சேவையை விட , சக மனிதர்களுக்கான சேவைக்கு அவசியம் அதிகம் இருக்கிறது. உண்மையில் இப்படிப் பட்ட சேவை, இறைவனுக்கு ஆற்றும் சேவைக்கு நிகரானதே. இதுவே உண்மையான பக்தி மார்க்கம். இறைவனது குழந்தைகளையே மகிழ்விப்பதை விட, இறைவனை மகிழ்விப்பதற்கான சிறந்த முறை என்ன இருக்க முடியும்?புருஷ ஸூக்தம், இறைவன், ஆயிரம் தலைகள், ஆயிரம் கண்கள், ஆயிரம் பாதங்கள் உடையவன் என்று வர்ணிக்கிறது. அதாவது, ‘’ அனைத்தும் அவனே’’ என்பதே அதன் பொருள். ஆயிரம் தலைகள், ஆயிரம் கண்கள், ஆயிரம் பாதங்கள் என்று கூறப்பட்டுள்ளதே அன்றி ஆயிரம் இதயங்கள் என்று கூறப்படவில்லை! இருப்பது ஒரே ஒரு இதயம் தான் ! ஒரே இரத்தம் தான் கைகள்,கண்கள், கால்கள் மற்றும் அனைத்து உறுப்புக்களிலும் ஓடுகின்றது.நீங்கள் ஒரு அங்கத்தைப் பேணும்போது, உண்மையில் நீங்கள் உடலனைத்தையும் பேணுகின்றீர்கள். அதைப் போலவே, நீங்கள் உங்களது சக மனிதர்களுக்கு சேவை ஆற்றும் போது, நீங்கள் உண்மையில் இறைவனுக்கே சேவை புரிகின்றீர்கள் !