திருப்பதி அல்லது பத்ராசலம் போன்ற புனிதக் கோவில்களில்,ஒரு கல்லே, ஒரு விக்ரஹமாகப் படைக்கப் பட்டிருப்பதை நீங்கள் பார்க்கிறீர்கள். ஆனால்,பக்தி உணர்வு அந்தக் கல்லில் பரிணமிக்கும்போது, அதுவே மனித மனதின் தலைசிறந்த பொக்கிஷமாக ஆகி விடுகிறது. பலர் வழிபாட்டிற்கு எந்த ஒரு பாதை -கர்மம், பக்தி அல்லது ஞானம் - மற்றதை விடச் சிறந்தது என்று விவாதிப்பதில், விலைமதிக்க முடியாத நேரத்தை வீணடிக்கிறார்கள். அவை ஒன்றுக்கொன்று துணை செய்பவையே. உங்களது ஒவ்வொரு செயலையும், பக்தியின் மூலம் புனிதமான வழிபாடாக பண்படுத்தும் ரகசியத்தை, உங்கள் மனதிற்குக் கற்பியுங்கள். பின்னர் நீங்கள் ஏமாற்றம் மற்றும் துயரத்தினால் பாதிக்கப் பட மாட்டீர்கள். இறைவன், தன்னை சரணாகதி அடைந்த ஒவ்வொரு ஜீவராசியையும், மனமுவந்து, வழிநடத்திக் காக்கும் அளவிற்கு அருள் நிறைந்தவன். அவனது அருளைப் பெற,நீங்கள் செய்ய வேண்டியது எல்லாம், உங்களது ஒவ்வொரு செயலும்‘’ இறைவனுக்கு உகந்ததாக’’ ஆகும் வண்ணம் பரிபூரணமாக தர்மத்தில் தோய்ந்திருப்பதே ஆகும் ! உங்களது புத்தி எனும் கூரிய உளியைக் கொண்டு, உங்களது மனதை, பரிபூரண ஒரு இறை ரூபமாக உருவாக்குங்கள் !பின்னர் நீங்கள் தெய்வீக ஜோதியுடன் பிரகாசிப்பீர்கள். இந்த சீரீய இலட்சியத்திற்காக, உங்களை இப்போதிலிருந்தே அர்ப்பணித்துக் கொள்ளுங்கள் !