வாழ்க்கை எனும் மரம், தனது கிளைகள், இலைகள் மற்றும் பூக்களைக் கொண்ட ஒரு மாயையின் மரமாகும்.உங்களது அனைத்து செயல்களையும், இறையார்ப்பணமாக நீங்கள் செய்யும்போது, இதை இவ்வாறு உணருவீர்கள். ஒவ்வொரு செல்லிலும் அதன் உயிரோட்டமாகவும்,ஒவ்வொரு சிறிய செடிக்கும் சக்தி அளித்து உருவாக்கும் சூரியனாகவும், இறைவனைக் காணுங்கள். அனைவரிலும் அவனைக் கண்டு,அனைவர் மூலமாகவும் அவனை வழிபடுங்கள்; ஏனெனில் அனைத்தும் அவனே !செயல்களில் ஈடுபடுங்கள்; ஆனால் அவற்றை பக்தியால் நிரப்புங்கள்.பக்தியே அதனைப் புனிதப் படுத்துகிறது ! ஒரு காகிதத் துண்டு என்பது ஒரு குப்பையே; ஆனால் அதுவே நீங்கள் பெற்ற ஒரு நற்சான்றிதழாக இருக்குமானால், நீங்கள் அதை மதித்துப் போற்றிப் பாதுகாப்பீர்கள் இல்லையா?அதுவே உங்களுக்கு வாழ்க்கையில் ஒரு முன்னேற்றம் தரக்கூடிய பாஸ்போர்ட்டாகவும் ஆகி விடுகிறது ! அதைப் போலவே, உங்களது செயலின் பின் இருக்கும் பாவம் முக்கியமே அன்றி, வெளிப்படையான படாடோமல்ல ( பாஹ்யம்).கர்மம், பக்தி, ஞானம் என்று மூன்றும் ஒன்றுக்கொன்று முட்டுக் கொடுப்பவையே அன்றி, முரண்பாடானவை அல்ல ! அவற்றைப் பிரித்துப் பார்க்காதீர்கள் !கர்மம் உங்களது பாதங்களைப் போன்றது, பக்தி உங்களது கைகள், ஞானம் உங்களது தலையைப் போன்றது. இந்த மூன்றும், உங்கள் வாழ்க்கை முழுவதும் ஒன்றுக் கொன்று ஒத்துழைக்க வேண்டும் !