நாம் சாப்பிடும் போது, கலக்கம் உண்டாக்கும் எதையாவது யோசித்தோம் ஆனால், அதுவே நமது மனதில் குழப்பத்தை உண்டாக்கும். அதனால் தான் நமது பாரம்பரிய முறையில், மக்கள், அவர்களது உணவைச் சாப்பிடும்போது, ஒருவரும் அவர்களிடம் விரும்பத் தகாவற்றைப் பேசக்கூடாது என்று வைக்கப் பட்டு உள்ளது. காரணம் என்ன என்றால், நாம் ஏதோ ஒன்றை நினைத்த உடனேயே நமது இதயமும் அந்த எண்ணத்திற்கு ஏற்ப தானும் மாறி விடுகிறது. நீங்கள் வீட்டில் உட்கார்ந்து கொண்டு இருக்கும் போது, யாராவது ஒரு தேள் ஓடுகிறது என்று உரக்கக் கூறினால், அங்கு தேள் இருக்கிறதோ இல்லையோ, அந்த வார்த்தையே நம்மை நடுங்க வைத்து, நம்மை அங்கிருந்து ஓடி விடச் செய்கிறது. எனவே, நம் மனதில் புகும் ஒரு குறிப்பிட்ட எண்ணம்,நமது அனைத்து செயல்களிலும், அந்த எண்ணத்தை இணைத்து விடுகிறது. இதிலிருந்து என்ன தெரிகிறது என்றால், நாம் இறைவனது தெய்வீக குணங்களை சிந்தித்துக் கொண்டே இருந்தோமானால், நமக்குள்ளேயே அந்த தெய்வீக குணங்களை நாமே வளர்த்துக் கொள்வதற்கான வாய்ப்பு இருக்கிறது என்பதாகும்.