நீங்கள் உங்கள் மனதை வென்று விட்டால், சாந்தியைப் பெறுவீர்கள். நீங்கள் சாந்தியை அடைந்து விட்டால், அனைத்துப் பொருட்களையும், சமமான மனப்பாங்குடன் நோக்குவீர்கள்.நல்லவை மற்றும் கெட்டவை, மரியாதை மற்றும் அவமரியாதை,விருப்புகள் மற்றும் வெறுப்புகள் என்ற அனைத்தும் பரப்பிரம்மம் என்ற ஒரே ஒன்றின் அம்சங்களாகும்.உங்களால் இறை அருளைப் பெற்று விட முடிந்தால், அனைத்தும் சுமுகமாக நடக்கும். இறை அருளிலிருந்து வெகு தொலைவில் இருப்பீர்களானால், தீய கிரகங்கள் உங்கள் மேல் அவற்றின் தாக்கத்தை ஏற்படுத்தும். விஸ்வாமித்திர முனிவர் தனது கடுந்தவத்தால் பிரம்மாவை மகிழ்வித்தார். விஸ்வாமித்திர மகரிஷியின் உள்ளார்ந்த வலிமையை மறைத்துக் கொண்டிருந்த அனைத்து சந்தேக மேகங்களையும் பிரம்மா நீக்கி விட்டார்.பிரம்மா, விஸ்வாமித்திர முனிவரை, எங்கும் நிறைந்திருக்கும் தெய்வீகத்தை உணருமாறு போதித்து, அவரை இறைவனது அருள் மற்றும் இருத்தலைப் போற்றிப் பாடுமாறு பணித்தார். தெய்வீக அம்சம் என்பது ஒரு தனிப்பட்டதோ அல்லது குறிப்பிடப் பட்ட ஒன்றோ அல்ல; ஆனால் இறைவன் எங்கும் நிறைந்தவன். அது,சில குறிப்பிடத்தக்க அம்சங்களைக் கொண்ட ஒரு பொருளும் அல்ல. அது பதார்த்தம் அல்ல, பரார்த்தமாகும். இறைவன் இருக்கிறான் ; அவன் அங்கிங்கெனாதபடி எங்கும் நிறைந்துள்ளான்.