‘’ சரணாகதி ‘’என்ற வார்த்தையைக் கூறும் போது, யாரோ ஒருவர் கொடுக்கிறார், யாரோ ஒருவர் ஏற்றுக் கொள்கிறார் என்றும் ,நீங்கள் எவரிடமோ, சரணாகதி அடைகிறீர்கள் ,என்ற அர்த்தமும் வெளிப்படுகிறது. ‘’ சரணாகதி ‘’ என்ற வார்த்தையில், இருமை அல்லது த்வைத உணர்வு தொக்கி நிற்கிறது. இருமை மனம் கொண்ட ஒருவன் அரைக் குருடனே. ‘’ சரணாகதி ‘’என்பதன் உண்மையான பொருள் எவரிலும், எங்கும் இறைவன் இருக்கிறான் என்ற உண்மையை உணர்வதே ஆகும். அனைத்து ஜீவராசிகளிலும், இறைவன் உறைகிறான் என்பதை அறிந்து கொள்வதே, ‘’ சரணாகதி ‘’என்ற வார்த்தையின் உண்மையான பொருளாகும். நமக்குக் கொடுக்கப் பட்ட அனைத்துப் பணிகளையும் நமது கடமையாக எண்ணி ஆற்ற வேண்டும்; நமது கடமையை உதறி விட்டு, சோம்பேறியாக உட்கார்ந்து கொண்டு, நீங்கள் எல்லாவற்றையும் இறைவனிடம் சரணாகதியாகக் கொடுத்து விட்டீர்கள் எனக் கூறுவது சரியல்ல. நீங்கள் ஆற்றும் அனைத்துப் பணியும் இறைவனை மகிழ்விப்பதற்காகவே என்ற உணர்வு உங்களுக்கு இருக்குமானால், அதுவே சரணாகதியின் சரியான அம்சமாகும்.நீங்கள் செய்யும் தீய காரியங்களின் பலன்களை இறைவனுக்குக் கொடுத்து விட்டு, நல்ல பலன்களுக்கு, நீங்கள் உரிமை கொண்டாடினால்,நீங்கள் சரணாகதி அடைந்தவர்களாக ஆக மாட்டீர்கள்.