பல ஆண்கள் ஷேவிங் செய்து கொள்ளும் பழக்கம் கொண்டவர்களாக இருப்பார்கள்; அவர்கள் ரேஸரை அதிகமாக அழுத்தினால், சருமத்தை வெட்டிக் கொள்வார்கள் என்பதையும், அதை அழுத்தாமலே இருந்தால், தேவையில்லாத முடியை நீக்க முடியாது என்பதையும் அறிவார்கள். எப்போது அவர்கள் மிதமான அழுத்தம் கொடுக்கிறார்களோ அப்போது மட்டும் தான் தேவையான பலன் கிடைக்கும்.மனித மனமும் ரேஸரின் முனையைப் போன்றதே. அதிகக் கண்டிப்புடன் கட்டுப் படுத்தாமலும்,அதிகத் தன்னிச்சையாகப் போக விடாமலும், நாம் அதை நல்ல செயல்களை ஆற்ற ஊக்குவிக்க வேண்டும்;தீய செயல்களில் பங்கு ஏற்பதற்கான எந்த விதமான மனப்பாங்கு இருக்கும் போது, அதை நாம் கட்டுப் படுத்த வேண்டும்.உங்கள் மனம் எவ்வாறு நடந்து கொள்ள வேண்டுமோ , அவ்வாறு நடந்து கொள்ளும் போது தான், நீங்கள் ஒரு மனிதனாக நடந்து கொள்ள முடியும்.எனவே, நீங்கள் பகுத்தறிந்து, நல்ல,கெட்ட செயல்களை இனம் கண்டு ,மனதை இந்த இரண்டு எதிரெதிரான உச்ச நிலைகளுக்கு இடையில், மிதமாக வழி நடத்திச் செல்ல வேண்டும்.