படைப்பில் ஒவ்வொன்றும், ஒரு குறிப்பிட்ட குணத்தை வெளிக்காட்டவோ அல்லது அதை ஒரு அங்கி போல அணிந்து கொள்ளவோ செய்கின்றன.இந்த குணமே அதனது ஸ்வதர்மம் என்றும் அழைக்கப் படுகிறது.ஒரு குறிப்பிட்ட வகுப்பில் இருக்கும் ஒரு மாணவர் அவரது முயற்சியின் காரணமாக எவ்வாறு மேல் வகுப்பிற்கு முன்னேற்றப் பட முடியுமோ அவ்வாறே,ஒரு தனி மனிதனும் தனது ஸ்வதர்மத்தை அனுசரித்து,மேன்மையான மற்றும் சீரியவற்றில் கவனம் செலுத்துவதன் மூலம், ஒரு உயர்ந்த நிலைக்கு முன்னேற முடியும். ஒரு இரும்புத் துண்டு வெறும் சில பைசாக்கள் மதிப்புள்ளதாக இருக்கலாம், ஆனால்,அதில் சில தேவையான மாற்றங்கள் செய்வதன் மூலம், நீங்கள் அதை பல ஆயிரங்கள் மதிப்புள்ள ஒரு கடிகாரமாக உருவாக்குகிறீர்கள். ஸம்ஸ்காரம் அல்லது நாம் ஒரு பொருளுக்கு அளிக்கும் மாற்றமே, அதற்கு மதிப்பைக் கொண்டு வருகிறதே அன்றி, அந்தப் பொருளின் இயல்பான மதிப்பால் அல்ல என்பதை இங்கு கவனியுங்கள். ஆன்றோர்களின் நட்பு வட்டத்தை நாடுவதன் மூலம்,ஒரு சாதாரண மனிதன் கூட, ஒரு பரமஹம்ஸரின் நிலைக்கு, உயருவதற்கான வாய்ப்பைப் பெற முடியும்.