நற்குணங்கள் அற்ற குழந்தைகள்,நல்லொழுக்கத்தை வளர்ப்பதைக் குறிக்கோளாகக் கொள்ளாத கல்விமுறை, அறநெறி அற்ற வாழ்க்கை ஆகியவை அர்த்தமற்றவையே. மனச்சாந்தி அற்ற மனிதனும், பிரகாசிக்கும் நிலவற்ற உலகமும் ஒரே மாதிரியானவையே.இந்த உலகின் படைப்பில் உள்ள ஒவ்வொரு பொருளும், அவைகளுக்கே ஆன ஒரு தனித்தன்மையும் குணமும் கொண்டவை. எந்த ஒரு பொருளும் அதனது இந்த தனித்தன்மையை விட்டு விடுமானால், அது தன்னையே அழித்துக் கொண்டு விடும். உதாரணமாக, நெருப்பு சுட்டெரிக்கும் தன்மையும்,திறனும் கொண்டது.தண்ணீர் கரை புரண்டு ஓடும் திறன் கொண்டது. மனிதன் மனித இயல்புகளைக் கொண்டவன்; கொடிய விலங்கு, கொடூரமாக இருக்கும் குணத்தைக் கொண்டது.சுட்டெரிக்கும் தன்மை மறைந்து விட்டால், நீங்கள் அதை நெருப்பு எனக் கூற முடியாது. கரை புரண்டு ஓடும் திறன் மறைந்து விட்டால், நீங்கள் அதைத் தண்ணீர் எனக் கூற முடியாது.அதைப் போலவே, ஆத்ம திருஷ்ட்டி அல்லது அடிப்படையான மனித இயல்பு ஒரு மனிதனிடம் மறைந்து விட்டால்,நீங்கள் அவனை மனிதன் எனக் கூற முடியாது. மனிதாபிமானத்துடன் இருப்பது , ஒரு மனிதனின் இயல்பான குணமாகும்.