நான் மக்களிடையே சுதந்திரமாகப் பழகிப் பேசிப் பாடிக் கொண்டு இருந்ததால், மேதைகள் கூட எனது உண்மை, எனது சக்தி, எனது மகத்துவம் அல்லது எனது உண்மையான அவதாரப்பணியைப் புரிந்து கொள்ள இயலவில்லை. எவ்வளவு புரியாத பிரச்னையாக இருந்தாலும், என்னால் அதைத் தீர்த்து வைக்க முடியும்.மிக ஆழ்ந்த ஆராய்ச்சிக்கும், மிகத் துல்லியமான அளவுகளுக்கும் நான் அப்பாற்பட்டவன்.என்னுடைய ப்ரேமையை உணர்ந்து அதை அனுபவித்தவர்கள் மட்டுமே, என்னுடைய உண்மையை ஒரு சிறிதளவாவது கண்டதாகக் கூற முடியும்.வெளிப்புறக் கண்களால் என்னைத் தெரிந்து கொள்ள முயலாதீர்கள்.ஒரு கோவிலுக்குச் சென்று, இறைவனது மூர்த்தியின் முன் நீங்கள் நிற்கும் போது,கண்களை மூடி நீங்கள் பிரார்த்தனை செய்கிறீர்கள் அல்லவா? ஏன்? ஏனெனில் உங்களது உள்ளார்ந்த ஞானக் கண் மட்டுமே உங்களுக்கு இறைவனைக் காட்ட முடியும் என்பதால். எனவே, என்னிடமிருந்து அற்பமான உலகியலான பொருட்களை வேண்டாதீர்கள்; ஆனால் உங்களது அந்தராத்மாவிலிருந்து என்னையே வேண்டுங்கள் ; நீங்கள் வெகுமதி பெறுவீர்கள். அன்பின் பாதையே மனிதகுலத்தை என்னிடம் இட்டு வரும் ராஜபாட்டையாகும்.என்னுடைய அருள், நிலையான அன்பும், நம்பிக்கையும் கொண்ட பக்தர்களுக்கு எப்போதும் கிடைக்கும்.