ஸ்ரீமத் ராமாயணத்தின் அறநெறி மற்றும் ஆன்மீகக் கோட்பாடுகளில் மாணவர்கள் ஆழ்ந்த ஆர்வம் கொண்டு, அதிலிருந்து முழுப் பயனையும் பெற வேண்டும் என்பதே என் அவா.பெரியவர்களும் கூட தங்களது வாழ்க்கைகளை அறநெறி மற்றும் ஆன்மீகத்திற்கு இசைந்தவாறு வடிவமைத்துக் கொள்ள வேண்டும். பணமோ அல்லது பாண்டித்யமோ உங்களுக்கு சந்தோஷத்தை அளிக்க முடியாது. இறைவன் பால் கொள்ளும் அன்பு மட்டுமே உங்களுக்கு முடிவே இல்லாத ஆனந்தத்தை அளிக்கிறது.அது ஆனந்தத்தை அளிப்பதோடு அல்லாமல் அளவற்ற வலிமையையும் அளிக்கும். உங்களுக்கு அமரத்துவத்தை அளிக்கக் கூடிய கல்வியை நீங்கள் நாட வேண்டும். அமரத்துவம் என்றால் என்ன? ஒழுக்கக் கேட்டை நீக்குவதே அமரத்துவம். நிலையற்றதான மனித வாழ்க்கை என்றோ ஒருநாள் அழியத் தான் வேண்டும். எனவே என்றும் அழியாத நல்லொழுக்கத்திற்கே நாம் பாடு பட வேண்டும். இந்த நல்லொழுக்க ஜோதியே இன்றைய பிரபஞ்சத்தின் தேவையாகும். குறிப்பாக சுயநலமும்,சுய விருப்பமும் பெருகி வரும் இந்நாளில்,நம் மாணவர்கள்,இந்த நல்லொழுக்க ஜோதியை வளர்த்துக் கொண்டு, பிரபஞ்சத்தின் நலன் மற்றும் எழுச்சிக்காகப் பாடு பட வேண்டும் என்பதே எனது அவா.