அன்பின் திருவுருவங்களே! இறைவன் ஒவ்வொருவர் உள்ளும் இருக்கிறான். அவன் ஒவ்வொரு இதயத்திலும் வசிக்கிறான்.எனவே, இறைவனை ஒரு கோவில், ஒரு மசூதி அல்லது ஒரு சர்ச்சுக்குள் அடைத்து வைக்காதீர்கள்.எங்கே ஒரு மனிதன் இருக்கின்றானோ, அங்கே இறைவன் இருக்கின்றான்.இறைவன் ஒரு மனித ரூபத்தை ஏற்று வருகிறான் ( தெய்வம் மானுஷ்ய ரூபேண). இந்த முக்கியமான உண்மையை உணராமலும், மறதியாலும் , நீங்கள் பிறரை குறை கூறுவதில் இறங்குகிறீர்கள். நீங்கள் யாரை குறை கூறுகிறீர்கள்?நீங்கள் யாரைப் போற்றுகிறீர்கள்? நீங்களே ஆராய்ந்து பாருங்கள்.இறைவன் அனைவருள்ளும் உள்ளான்.நீங்கள் பிறரை குறை கூறினால், நீங்கள் இறைவனையே குறை கூறுவதாகும். நீங்கள் யாரை வணங்கினாலும், அது இறைவனையே சென்று அடைகிறது (ஸர்வ ஜீவ நமஸ்காரம் கேசவம் பிரதிகச்சதி); நீங்கள் யாரை அவமதித்தாலோ அல்லது இகழ்ந்தாலோ அதுவும் இறைவனையே சென்று அடைகிறது ! (ஸர்வ ஜீவ திரஸ்காரம் கேசவம் பிரதிகச்சதி). இந்தத் தருணத்திலிருந்து, கெட்ட எண்ணங்களையும், தீய குணங்களையும் விடுத்து, புது வாழ்க்கையைத் தொடங்குங்கள். உங்கள் இதயத்தை தூய்மைப் படுத்துங்கள். உங்களது சிந்தனைகள், சொற்கள் மற்றும் செயல்கள் புனிதமானவையாக இருக்கட்டும். அதன் பிறகே உங்கள் வாழ்க்கை ஆனந்தமயமாக இருக்கும்.