ஒரு முறை பகவான் ஸ்ரீமந் நாராயணன் நாரத முனிவரிடம், ‘’ நாரதா! உன்னைப் போன்ற பல பக்தர்கள் இருக்கிறார்கள்.அவர்களை ஒவ்வொரு வீட்டிலும், ஒவ்வொரு இடத்திலும் நீ பார்க்கலாம். அவர்கள் வழிபாடு செய்து என் நாமத்தை ஜபிப்பார்கள்.ஆனால் அது உண்மையான பக்தி அல்ல.உண்மையான பக்தி என்பது மனிதனின் ஒவ்வொரு சிந்தனை, சொல் மற்றும் செயலிலும் வெளிப்பட வேண்டும். எவ்வாறு உட்கொள்ளப் பட்ட உணவு வயிற்றில் ஜீரணமாகி, அதன் சாரம் உடலிலுள்ள அனைத்து அங்கங்களுக்கும் அளிக்கப் படுகிறதோ, அவ்வாறே எப்போது நீ உன் இதயத்தை இறை நாமத்தால் நிரப்புகிறாயோ, அதன் பலன் உன்னுடைய கண்கள், காதுகள், நாக்கு, கைகள், பாதங்கள் போன்றவைக்கு பரவ வேண்டும். எப்போது இறை நாமத்தின் புனிதமான பலன் உனது கண்களுக்குப் பரவுகிறதோ, நீ தெய்வீக திருஷ்ட்டியை வளர்த்துக் கொள்வாய். அதைப் போலவே, உனது வாக்கு புனிதமடையும்; நீ புனிதமான வார்த்தைகளுக்கு மட்டுமே செவி மடுப்பாய்.உனது கரங்கள் புனிதப் பணிகளை ஆற்றும்; உனது பாதங்கள் உன்னை புனித க்ஷேத்ரங்களுக்கு இட்டுச் செல்லும்.இவ்வாறு உண்மையான ஒரு பக்தன் தனது ஒவ்வொரு அங்கத்தையும் புனிதமான செயல்களால் பரிசுத்தப் படுத்துவான்.’’ என்று கூறினார்.