திருமணம் ஆவதற்கு முன் கணவன், மனைவி இடையே அன்பு இருப்பதில்லை. குழந்தை பிறப்பதற்கு முன் ஒரு தாய் மற்றும் குழந்தையின் இடையே அன்பு இருப்பதில்லை. ஒரு மகன், தனது தாயை எவ்வளவு தான் இதய பூர்வமாக நேசித்தாலும்,அவளது இறப்பிற்குப் பின், எந்த வித கருணையும் இன்றி,அவளது உடலை எரியும் சிதையில் வைத்து, தீப்பிழம்புகளுக்கு இரையாக்குகிறான். இப்படிப்பட்ட அன்பை எப்படி உண்மையான அன்பு எனக் கூற முடியும்? இப்படிப் பட்ட அனைத்து உறவுகளையும் பற்றுதல் என்று கூறலாமே அன்றி அன்பு என்றல்ல. பற்றுதல்கள் இடையில் வந்து, இடையிலேயே சென்று விடுபவை. ஆனால் தெய்வீக அன்பு பிறப்பிற்கு முன்னும் கூட இருந்து, இறப்பிற்குப் பின்னும் இருக்கும் ஒன்றாகும்.பற்றுதல்கள், கலையும் மேகங்கள் போல, விரைவாகச் சென்று விடுபவை. உண்மையான அன்பு என்பது, களங்கமற்றது, கறைபடியாதது, கலப்படமற்றது, மாசற்றது, சாஸ்வதமானது, வற்றாதது, தூய்மையானது, அப்பழுக்கற்றது.தெய்வீக அன்பு மட்டுமே சுயநலம் மற்றும் சுயஅக்கறையினால் களங்கப் படாது, பிறப்பிற்கு முன்னும், இறப்பிற்குப் பின்னும் இருக்கும் ஒன்றாகும். மற்றைய அனைத்து விதமான அன்பும் சுயநலத்தால் மாசடைந்தவையே.