மனிதருக்குள் உறையும் தெய்வீகத்தை நீங்கள் அனைவரும் ஆர்வத்தோடு ஆராய வேண்டும். அன்றாட வாழக்கையில்,உங்களது கடமையைப் பற்றிய விழிப்புணர்வு, தெய்வீகத்தைப் பற்றிய விழிப்புணர்விற்குச் சமமானதாகும். இந்த நவீன உலகத்தில், எவருக்கும் நன்றியுணர்வு என்பதே இல்லை.நீங்கள் நோய்வாய்ப் பட்டிருக்கும் போது, உங்களைக் குணப்படுத்திய மருத்துவருக்குக் கூட நீங்கள் நன்றி காட்டத் தவறி விடுகிறீர்கள். ஒரு துன்பப் படும் நோயாளியைக் குணப்படுத்துவது மருத்துவரின் கடமை; எனவே நீங்கள் நன்றி காட்டத் தேவையில்லை என நீங்கள் வாதிக்கிறீர்கள். ஆனால், ஒரு நோயாளியாக உங்களுக்கும் ஒரு கடமை இருக்கிறது என்பதை நினைவில் கொள்ளுங்கள். அப்பட்டமாகக் கடமையை மீறுவது உங்களுக்கு நல்லதல்ல. உங்களைக் கர்ப்பத்தில் போஷித்து, உங்கள் நலனைப் பேணிக்காத்த தாய்க்கு நன்றி செலுத்துவது உங்கள் கடமையாகும். வினோதம் என்ன என்றால், பலர் தாங்கள் ஏன் தாய்க்கு நன்றி செலுத்த வேண்டும் எனக் கேள்வி கேட்கிறார்கள்;, தனது குழந்தைகளைக் கவனித்துக் கொள்வது ஒரு தாயின் கடமை தானே என்பது அவர்களது கருத்து. உங்களைப் பெற்று, வளர்த்த தாயைக் பேணிக் காப்பது உங்களது தலையாய கடமை என்பதை , தயவு செய்து, உள்மனதில் வாங்கிக் கொள்ளுங்கள்.