ஆயுதங்களும்,குண்டுகளும் உலகத்தைக் காப்பாற்ற முடியாது. இறைவனது அருள் ஒன்றே இந்த உலகைக் காக்க முடியும்.எனவே, உங்களது தலையாய கடமை அவனது அருளுக்காகப் பிரார்த்திப்பதே. பிரார்த்தனை மிகவும் முக்கியமானதாகும்; இந்த விழிப்புணர்வு, உங்களது அன்றாட வாழ்க்கையின் ஒவ்வொரு படியிலும் மிகவும் தேவையானதாகும். உங்களைக் காப்பதில் இறை நாமத்தை விட அதிகம் சக்தி வாய்ந்தது எதுவும் இல்லை என்பதை ஒருபோதும் மறக்காதீர்கள். நீங்கள் தனியாகப் பாடும்போது, உங்கள் இதயம் அந்தப் பாட்டில் லயித்து விடுகிறது. பலர் சேர்ந்து பாடும்போது, அந்தப் பிரார்த்தனை ஓர் தெய்வீக சக்தியைப் பெற்று விடுகிறது. எனவே தான் ஸ்ரீகுரு நானக் பஜனையை அறிவுறுத்தினார்.ராக, தாளத்துடன் கூடவே,பஜனையை ஒரு புனிதமான அர்ப்பணமாக ஆக்க,நீங்கள் உங்கள் பாடலில் உங்களது உணர்வைக் கலக்க வேண்டும். பாவம் இல்லாத ராகம் ஒரு ரோகமே.அகந்தையையும், படாடோபத்தையும் விடுத்து, பணிவு மற்றும் பக்தி உணர்வுடன், இறை நாமத்தின் சக்தியைப் பற்றிய முழுமையான விழிப்புணர்வுடன் பஜனைகளைப் பாடுங்கள்.இதுவே பஜனை செய்வதற்கான சரியான முறையாகும். அனைவரும் ஒன்று சேர்ந்து பாடும்போது, புனிதமான அதிர்வுகள் தோன்றி, வெளிப்படும் தெய்வீக சக்திகள் பிரபசஞ்சம் அனைத்தையும் நிரப்புகின்றன.