உங்கள் மதி, கதி.ஸ்திதி மற்றும் சம்பத்தி (மனம், விதி,பதவி மற்றும் செல்வம்) அனைத்தும் இறைவன் அளித்த பரிசுகளே.நீங்கள் அவற்றை,சமத்துவம், ஒற்றுமை,கண்ணியம் மற்றும் நட்புறவு ஆகிய குணங்களை வளர்த்துக் கொள்வதற்குப் பயன்படுத்த வேண்டும்.ஆனால் மக்கள் இன்று தங்கள் மனத்தை ( மதி), கெட்ட மனமாக ( துர்மதி) மாற்றி விட்டார்கள்.உங்கள் மனமே( மதி) உங்களை நல்ல அல்லது கெட்ட மனிதனாக்குகிறது.மனதைத் தவறாகப் பயன்படுத்தினால் அது உங்களை அஹங்காரம் படைத்தவனாக ஆக்கி விடும். நவீன கால இளைஞர்களும், மாணவர்களும், செல்வம், நட்பு மற்றும் உயர்ந்த பதவிகளை நாடுகிறார்களே தவிர நற்குணங்களை அல்ல; அவர்கள் படாடோபத்தில் ஈடுபடுகிறார்கள்.பல மாணவர்கள் தீய நட்பு வட்டம், தீய எண்ணங்கள் மற்றும் தீய காரியங்களில் தங்களது நேரத்தைச் செலவிடுகிறார்கள். வெண்கலமும், தங்கமும் பார்ப்பதற்கு ஒரே மாதிரியாகத் தான் இருக்கும். ஆனால் ஒரு வெண்கலப் பாத்திரம், தங்கப் பாத்திரத்தை விட அதிகமாக சத்தத்தை எழுப்பும். மாணவர்கள் பகட்டு மற்றும் மேதாவித்தமான பேச்சுக்களில் ஈடுபடக்கூடாது. எப்போதும் இனிமையாகவும், இதமாகவும் பணிவுடனும் பேசுங்கள். நீங்கள் எப்போதும் இணங்கி உதவ முடியாமல் போகலாம், ஆனால் இதமாகப் பேசுங்கள். எப்போதும் அன்புடனும், மரியாதையுடனும் பேசுங்கள்; ஒரு இலட்சிய பக்தன் மற்றும் மாணவன் என்ற தகுதிக்கு ஏற்றவாறு நடந்து கொள்ளுங்கள்.