மற்றவர்களின் குறைகளைத் தேடிக் கண்டு பிடிப்பதும்,தனது குறைகளை மறைப்பதும், ஆன்மீக சாதகனின் இயல்பல்ல.யாராவது உங்களது குறைகளைச் சுட்டிக் காட்டினால், நீங்களே சரி என்று சாதிப்பதிற்காக அவர்களோடு வாக்கு வாதம் செய்யாதீர்கள்; அதற்காக அவர்கள் மீது வன்மம் கொள்ளாதீர்கள். உங்களுக்குள்ளேயே அது ஒரு தவறா என ஆராய்ந்து, உங்களது நடத்தையைத் திருத்திக் கொள்ளுங்கள்.உங்களது திருப்திக்காக, அதை நியாயப்படுத்துவதோ அல்லது அதைச் சுட்டிக் காட்டியவரைப் பழி வாங்குவதோ – இவை ஒரு ஆன்மீக சாதகர் அல்லது பக்தரின் இயல்பாக இருக்கக் கூடாது.ஆன்மீக சாதகர் எப்போதும் உண்மையானவை மற்றும் ஆனந்தமளிப்பவற்றையே நாட வேண்டும்; அசத்தியமான, சோகமளிக்கும் மற்றும் மனச் சோர்வளிக்கும் அனைத்து எண்ணங்களையும் தவிர்க்க வேண்டும். மன அழுத்தம், சந்தேகம் மற்றும் அகந்தை – இவை அனைத்தும் ஒரு ஆன்மீக சாதகருக்கு ராகு, கேதுவைப் போல, சீரழிவை ஏற்படுத்தும். இவை ஒருவரது ஆன்மீக சாதனைக்கு பங்கம் விளைவிக்கும். உங்களது பக்தி நன்றாக நிலை கொண்டு விட்டால், அவை தோன்றிய உடனேயே அவற்றை எளிதாக விட்டு விட முடியும். ;அனைத்திற்கும் மேலாக, நீங்கள்எல்லா சந்தர்ப்பங்களிலும், ஆனந்தமாகவும், புன்முறுவலுடனும், உற்சாகமாகவும் இருத்தல் வேண்டும்.